玩具「反」斗城 「Your Magical Christmas」試玩分享

嘩……仲有一個多月先到聖誕節，估唔到咁快小小豬就已經收到第一份聖誕禮物，仲要咁豐富，真係非常多謝玩具「反」斗城對小小豬嘅厚愛呀~

睇下隻豬仔，單係拆禮物都已經好興奮啦~

其實小小豬收到嘅玩具，就係玩具「反」斗城為今個聖誕挑選嘅15大精選玩具嚟呀~

三份玩具小小豬都好鐘意，不過最深得豬心嘅，就一定係依個Thomas & Friends 瘋狂暴走索多島電動火車軌道組合，因為小小豬係一個火車控嚟嘛~

老老實實……我就真係完全唔識砌依啲路軌小玩意，所以就等佢地兩父子親子一番啦~

小小豬好似好專心咁睇下點砌哦~

睇下佢地兩父子又幾專心咁砌~

幾經努力，終於完成依個大工程，好壯觀呀...…哈哈哈~

砌得咁辛苦，當然要即刻玩返幾轉。利用附設嘅遙控器就可以令電動火車係路軌上由我地控制向前向後行啦~

除左路軌之外，仲有幾個機關設計，可以幫Thomas運送貨物呀~

一個看似簡單但又非常好玩嘅Thomas火車，小小豬可以話係大愛，成個早上玩住依個火車玩具都唔覺悶，仲會角色代入左自己係Thomas，自問自答咁問火車要去邊呀？今次要運咩貨呀？我坐係旁邊睇都覺得好好笑呀！

另一份玩具就係可調式三輪滑板車，依個可以話係我嘅及時雨。因為本身朋友送小小豬那一部滑板車都比較適合年紀較小嘅小朋友玩，正當我地考慮買款啱小小豬玩嘅滑板車時，就收到依份禮物，所以開心嗰個應該係我多啲。當然……小小豬都好開心，因為佢話渣新車可以快過啲朋友仔喎~

依款可調式三輪滑板車，係適合5-9歲小朋友玩，同小小豬本身玩開嗰個初級版分別在於有側傾轉向功能，可以訓練平衡力之餘，轉彎都易啲呀~

同時設有後剎功能，可以等小朋友玩時更加安全~

另外手把可以因應小朋友高度作出調節，不過仲係細細粒嘅小小豬用預設最低高度都夠玩啦~

小小豬都依家每日落公園玩時，都一定帶埋部可調式三輪滑板車，佢仲好攪笑咁同我講：「MaMi....我終於可以好快咁轉彎，下次一定可以快過同學仔啦」~

最後一樣就係神奇動力沙恐龍套裝~

盒內有兩包神奇動力沙及兩SET恐龍挖掘工具~

其實小小豬對依啲神奇動力沙一啲都唔陌生，因為每次去嘉年華佢都一定指定玩依啲遊戲，仲要玩幾十轉都唔會悶。依家屋企有一份，真係想幾時玩都咁方便呀~

小小豬最鐘意就係利用模具與神奇動力沙創造自己嘅恐龍仔啦~

佢仲扮老師教DADDY堆恐龍仔添~

神奇動力沙個質感又幾特別，握住沙就好似係手指緩慢移動，完全唔會覺得好笠痴痴呀~

當然，作為媽媽都一定係會好擔心會玩到成屋企沙。

首先啲神奇動力沙唔會太散，再加上原來打掃都好方便，只要一掃就好容易清理啦~

再一次多謝玩具「反」斗城送俾小小豬依三份聖誕禮物，每一份都好啱心水，佢地實在太貼心了，等依隻百厭豬可以開開心心玩餐飽呀！

唔知大家開始為小朋友揀到心水聖誕禮物未呢？

玩具「反」斗城特舉辦「Make Your Christmas Magical 」推廣活動，搜羅超過一千款大熱玩具及產品，還挑選了聖誕15大精選玩具，勢要締造奇幻聖誕！

大家也可以瀏覽本年度的玩具「反」斗城聖誕玩具手冊：http://www.toysrus.com.hk/catalogue，挑選出想要既聖誕禮物。

送禮物給摯親之餘，仲有記得要拍下拆禮物一刻去參加比賽！ 因為現正舉行緊「Special Gift」短片拍攝比賽，由即日起至2016年1月6日期間，只要拍攝摯愛禮物的驚喜一刻，紀錄溫馨場面之餘，並上載至其Facebook與大眾分享佳節之喜悅！

收集最多「Likes」的五段短片將獲大獎一份！玩具「反」斗城亦會另挑選出五段最有趣的精彩短片，送出神秘獎品！

既可以齊齊拆禮物開心開心，又可以嬴獎品，有興趣嘅朋友仔記得拍片參加！