近日有人在網上發佈一段影片，表示在一個品牌的鐘錶店買錶時，因錶帶上的窿與他的手不太配合，於是親自到該品牌位於IFC的專門店要求在錶帶上打多一個窿。店內的職員事先亦向事主表示，在錶帶上加打多一個窿有機會令錶帶背面的英文牌子有所破損，而事主亦表示明白。
約十分鐘後，店方把已打好窿的手錶歸還給事主時，事主卻發現錶帶上的新窿打歪，而且位置亦錯得嚴重。據事主描述，該店的店員似乎不願意承擔此責任。在事主據理力爭之下，店方最終表示會把事主的錶送往維修部處理，豈料事主再發現該品牌的保證書竟然印錯地址，「一隻幾十萬嘅錶張保證書竟然會印錯個地址，一個咁大嘅牌子竟然會咁樣」，於是事主忍無可忍，只好拍下影片再放到網上供大眾網民評理。
網民回應：
╴歪得咁離譜第一次見未睇片以為歪少少 見到個lone笑左出聲 btw以家ap好似係太子鐘錶黎
╴無本事打得好應該建議客人send上師傅度搞啦，有打窿服務但係會打成咁好難理解佢地服務質素同經驗，幾十萬買隻錶做得好實返轉頭，仲連地址都打錯，而家先知原來佢地做野咁求其
╴世界級撐飯蓋，死都唔認自己有錯，一流服務
╴咁好EQ!
╴錶主，洗X理佢專門店叫佢諗掂佢，總之佢打得窿就一定掂先打，唔係就要負責，一係冇咁服務，係咪先出咗問題咪搞番掂佢囉
╴唔世講咁多嘢，叫佢地白紙黑字寫抵，賠錢或賠表帶。唔肯就報警備案，再通知報紙雜誌，消委會跟進，你有條片在手，已是有力証據！我年頭都入咗呢隻，水貨，好彩保養證無打錯！真係你唔講都唔知，XX 咁x街！唔識就咪x攪啦！
╴幾十萬隻錶，竟然搞到咁都唔肯負責，佢地好有問題，不過真係笑料，犯埋啲錯誤極低級
╴如果我係你 我會勁嬲 ，不過我好佩服男同事 撐到出曬面 ，反而女仔態度好差
▼事主在facebook上發表的原文。
▼錶帶上的新窿。
來源：facebook
