而家細路以為放工時間係5點就真係5點走得（扮工室政治）

話說大阿姐批緊啲細路可唔可以過Probation，睇返啲打卡時間。喂，話返朝9晚5啫，真係準時8:5X 返到，5:00:XX，XX指唔知第幾秒就行出門口。

問返佢地部門主管，係咪又真係好做得嘢呢，又唔係喎！成日有野唔問，做錯又要阿頭幫佢執。同主管、同事溝通又少，又唔會出去同佢地食飯。

大阿姐就同我講，話佢地幾句，就俾佢地過Probation 啦 (過左試用可以加人工，同埋部分花紅 [佢地未做夠一年，會按比例俾返])。

今朝捉住佢地講，佢地竟然問我有乜問題，仲講咩「我返工無遲到，放工無早走，有咩錯？」

有咩錯？錯在唔知扮工室政治點玩囉，唔係有咩特別嘢，扮下OT 陣係常識吧。

而家大阿姐諗緊Extend呢幾個傻更更細路Probation，唉！

香港啲大專大學究竟有無教班細路職場文化？