辦公室助理或類近工作的薪金一般不多，甚至每月不超過10,000元；可是，Facebook專頁「Hong Kong Style」上傳一張招聘廣告，指有公司有意用時薪4,000元，聘請辦公室助理。
這位辦公室助理不但可獲時薪4,000元之多，每天更只須上班4小時，每周工作5天，甚至享有銀行假期。此外，公司地址是鄰近MegaBox的九龍灣一帶，方便大部份上班人士；而工作只是處理一般辦公室事務，要求則是「有細心和耐性」而已。
不少網民認為這是一份絕世荀工，事關每天工作4小時，便可獲取16,000元；而粗略計算，每月約工作21日(即84小時左右)，便可賺取約480,000元。難怪網友紛紛留言有興趣應徵：「1日萬6，幾好啵！」、「返半日，9-1咋！」、「萬6蚊日，我返3年就多錢退休喇！」、「我粗心大意，1,000都得啊！」、「我1日返1個鐘夠啦！」、「星期一打去見工！」、「嘩……好嚇人！時薪4000，絕世好工，即刻去見工先，你地咪同我爭呀！哈、哈……」、「嘩，有幾多個位呀，搵多幾個朋友去囉！」
可是，心水清的網民卻肯定：「漏咗個定點位啫，應該係時薪$40.00呀！」、「打多兩個零啊！」，亦有人笑言：「如果冇呢個人工係咪可以告佢？應該去勞工處？定海關？」、「港幣定日元？」、「賣埋屎忽都冇4,000！」、「佢係唔係想打年薪4,000？」
▼這位辦公室助理可獲時薪4,000元之多。
資料來源：Hong Kong Style
