網民Roy Man Kit Wu在Facebook上傳數張疑是小三TSA(全港性系統評估)題目的照片；由於題目絕非一名正常的小學三年級學生能夠輕易回答，故他自言「真係標冷汗」。
上傳者亦擔心由於題目過深，會令小朋友喪失一個快樂的童年；因此，希望大家一起支持降低題目的難度，救救下一代。
網友看到題目後，部份反對繼續推行TSA，亦有人要求檢討題目的難度；也有人認為問題根源並非來自TSA，而是學校面對這個評估的態度；更有人指出，部份照片是小六程度的TSA，有待求證。
網友回應：
「身為大人，題目其實識答，不過佢出得好繁複，簡單啲講就係驚整你唔死。如果呢啲題目俾中三以上我覺得相對合理（要考慮俾幾多時間做），小三小六就真係太過分。」
「真係癡線，難到咁...…」
「問題關鍵係TSA考得唔好，學校有機會比殺校，所以學校自保辦法係不斷操練小朋友……」
「我覺得應該要有評核！完。」
「其實我覺得如果TSA取消咗，小朋友真係會多咗時間休息／玩？定係只係家長可以再安排更多野俾小朋友學呢？作為一個有小朋友嘅家長嘅我，覺得考TSA唔係太大問題，問題係有部分學校要小朋友加操令到小朋友功課量大增，又要補課，同埋由小一開始就要小朋友操卷，令到小朋友同家長都身心疲累。我小朋友學校雖然都要額外做TSA練習，但起碼唔使留校補課，俾我覺得學校冇太壓力俾小朋友。所以我覺得如果所以學校都可以平常心去面對TSA嘅話，根本就唔會有咁多人反對，其實教育局同學校都應該檢討下。」
「是執行上出了問題，不是TSA有問題。你唔識題目，係家長唔識，唔係細路應該唔識。仲有，一份卷，唔係要你識晒，係要區分出哪個同學已融會貫通，舉一反三能識晒，哪個同學勤力有80分，哪個未達標只有45分，而他「圖形與空間」範疇的題目幾乎全錯，這範疇學得不好，要惡補一下。是反映你需要改善的方向。看到全部題目都覺得能應付，咁就人人一百分啦！仲駛乜考？」
「如果係小六TSA，就唔深，小五六程度，有腦有讀書懂變通嘅人要識嘅嘢，勿戥細路慘，細路嘅潛能遠遠在我們想像之上。」
資料來源：小心駕駛(討論別人駕駛態度)
