日本熟女一人一票 普選十大最想私奔型男

正如男人都會想滾女神齊齊訓，女人又何嘗唔想同個白馬王子遠走高飛，飛起身邊個衰佬浪漫一番。而日本有電視台就做咗次街訪，要35歲以上熟女們選出佢地心目中最想一齊私奔男藝人。

結果係點？大家來睇下頭三名係邊個！

第一位：褔山雅治

雖然都唔後生，不過佢係神探加里略飾演，湯川學時一付書生格，再加埋係龍馬傳入面，將坂本龍馬嘅豪氣帶出來。不過班師奶就話，揀佢唔單止係佢夠靚仔，重要係佢出名會講下有味笑話，滿足到佢地某方面幻想咁話。

女人啊，女人…我真係睇你地唔透。

第二位：西島秀俊

一句講晒：43歲嘅佢身型夠健碩，單係呢樣已經無得輸！

第三位：木村拓哉

如果三甲都無佢份，咁個街訪肯定同今年選港姐一樣：做馬。好話唔好聽班師奶由廿幾歲開始睇木村，睇到依家四十幾，睇足咁多年點都有返啲感情分呀嗎？

而剩低個七位分別係：

四位 齊藤工
五位 竹野內豐
六位 玉木宏
七位 向井理
八位 佐藤浩市
九位 佐藤健
十位 松本潤

而平井堅同阿部寬竟然無份，唔通佢地唔鍾意個樣有小小鬼鬼地？