Evie Beaute Perfect 10 Makeup Remover

我這懶人，喜歡用落妝油去卸妝，貪佢夠快，按一按，再用水乳化，冲洗，就ok。如用落妝水，基本上要抹好幾次先乾淨…。所以，我只會在冇化底妝的日子才用 (因用了sunblock，最好都用落妝產品卸走，會切徹底啲)。

好多人都唔多like 落妝油，話會block 毛孔，出瘡瘡 ~ 可能大家覺得油油的東西 = block 毛孔啩; 其實用得啱 (即有造足乳化的過程，而現在好的落妝油，都會很易被乳化)，係唔會block 毛孔的。

反而，我都測試過好多品牌的落妝油。有些用完係好乾淨，但皮膚即時覺得好乾; 有些，我會覺得lar 眼…其實，最好先用落眼妝的產品落走眼妝，再用落妝油卸走其他。但係油的時候，唔多唔少，都會有啲走入眼。

近來試用了Evie Beaute Perfect 10 Makeup Remover; 其實用落面前，我先測試吓佢先~用的東西，都係對我來說，超LASTING，唔易甩的:

NARS lip pencil MAJOLICA mascara Guerlain eyeliner NARS eyeliner pencil

用Evie Beaute Perfect 10 Makeup Remover，輕輕按幾吓，最先甩嘅係 lip pencil，最後甩 (其他3隻早就甩晒)的係Majorlica mascara。冲埋水，就無積無痕。

我當天係化了全妝，用Evie Beaute Perfect 10 Makeup Remover 按3幾吓，一冲就乾淨晒。只係mascara 就仲卡住d 在睫毛 (我冇先用eye makeup remover 落; 仲有，眼線係繡的)。佢完全唔lar 眼，用完皮膚唔覺得乾 (當然我之後有搽番skincare)。另外佢有好light的花果香，亦幾得我心。感覺上，佢啲油冇shu uemura 的咁厚重 (我用開shu 的綠茶formula，如落mascara， shu 勁啲。但係用完， shu 就會令皮膚即時有啲乾)

我係定期去揾醫生打機嫩膚的，該clinic 有自助洗面的地方，我次次去，用完佢哋啲產品，即時已覺得好乾;  而洗完唔可以即時搽CREAM，要待醫生打完，先同你搽番嘢…所以，等待時間裡，我都覺得塊面好乾…。好乾…。。而今次去打機，我自備Evie Beaute Perfect 10 Makeup Remover，等待期間都唔覺得乾…感覺好好多。原來細看下，佢可以落妝，亦可以同時滋潤皮膚。

另外Evie Beaute 仲有一隻潔面乳 All-Star Cleansing Velvet，佢特別之處，係可以乾濕兩用。乾用，就可以卸走淡妝，同時去除老化角質。濕用或乳化用，就清潔之餘，更有些保濕，適合冇化妝的日子使用。有時我晚上冇開冷氣，早上覺得面有啲油油笠笠，我就會濕用; 之後皮膚就會變回水嫩又彈手。