可遠聽而不可細味的鍾舒漫【True Instinct】

鍾舒漫

True Instinct

廠牌：英皇︱ 評分：4.5

鍾舒漫由初出道開始便已是不少樂迷又愛又恨的單位，她有特別及個性的聲線，但她卻屬於英皇娛樂，那個每個歌手都一模一樣沒有個性沒有內容的流行歌手唱片公廠。原來她2007年已出道，唱了近十年還是唱不到任何代表作，英皇終於畀佢由「純情卓韻芝」樣變成「潮童女生」形象，與細妹鍾舒琪以「日本涉谷潮童」形象出歌，玩無厘頭的青年文化，作品《SS14》除左畀人聽得出係抄外，都算係引起返一d 討論及注意。

不過，鍾舒漫的問題還是「英皇娛樂」這四個字。不要讀任何英皇娛樂的文案，因為讀完，一係會侮辱你智慧，二來亦係侮辱香港人的智慧。年輕人可以很簡單很玩樂主義很嬉皮笑臉，但不代表是白癡沒有智慧的，英皇娛樂的問題就是這樣，那些文案讀完你會覺得只要是中學生也會覺得寫那條友是有問題。

正如《SS14》一曲中，歌詞可以在當時全球在「依波拉」的恐慌中用「依波拉」來做噱頭、hookline，就知道整件事是如何反智。

鍾舒漫這張向80年代致敬的【True Instinct】亦然，先不要說「又玩80年代？」，係，香港樂壇玩來玩去都係80年代，由楊千嬅【電光幻影】開始玩左十年多到何韻詩陳奕迅到人人都話要玩80年代，但佢地的80年代來來去去都只係new wave synth pop那種聲，乜80年代真係得咁架咋咩？吳雨霏早前的【艷羨】未又係玩80年代致敬，至少佢玩disco及R&B，這張【True Instinct】則又是陳奕迅《重口味》帶來的影響吧。

【True Instinct】最可取之處是整張EP 均是舒舒漫作曲，而《改潮玩代》與及《聚光燈》的八十年代new wave 雖然又係玩來玩去都係果野同聲，但在廣東歌的系譜上還是做得對板成功的，鍾的旋律其實亦有自己一套，前者的旋律走向及key設定的東