【夏日驅蚊】防蚊產品

早前得到珮氏驅蚊爽邀請，參與伴您歡笑遊農莊之外，仲收到佢地一包防蚊產品。防蚊產品對我同小小豬嚟講都真係非常重要，因為我地都係極度受蚊子歡迎，成日俾蚊蚊錫到哦呀！

我地都差唔多用晒啲防蚊產品，所以就嚟分享下用後感啦~

其實之前參加遊農莊活動時，都聽過田園大使簡單介紹有關珮氏驅蚊產品，知道大部分產品驅蚊效力能長達12小時，而且蘊含天然野生紅茄提取物 IBI-246，可以有效驅趕蚊蟲外。另外以純天然成份，不含化學成份避蚊胺(DEET)，所以唔會對兒童幼嫩的肌膚引致過敏，避免危害兒童身體健康！

「珮氏驅蚊爽」防蚊手帶~

防蚊功效長達24小時的防蚊手帶，輕巧防水， 手帶的尺寸更可隨意調較，適合大人小朋友使用。

依條手帶我同小小豬係遊農莊活動當日全日都帶住呀~

哈哈哈...當日我地穿插係田園及戶外嘅地方，又真係冇俾蚊蚊埋身，手腳都變成紅粒粒，玩得特別投入呀~

「珮氏驅蚊爽」防蚊貼~

依家嘅款式真係好多選擇，每盒為一個卡通人物主題呀~

使用前只須輕輕地刮擦蚊貼表面，就能令微囊爆破，使驅蚊成份釋放~

尤其依家雨天過後出街，我同小小豬都會貼一塊蚊貼係衣服度，唔多唔少都可以阻住啲蚊蚊嚟親親我地呀~

「珮氏驅蚊爽」防蚊配飾~

一盒有三個唔同圖案~

其實我之前都曾經試用過依款產品，所以我地唔多再作介紹，有興趣朋友仔可以睇我之前嘅網誌啦(按此重溫)！

不過，我依次就多左一個用途，就係掛係小小豬嘅小單車上，等小小豬係公園玩時都可以唔洗怕蛟錫錫啦~

「珮氏驅蚊爽」清涼防蚊蟲噴霧~

依款係珮氏最新推出嘅防蚊蟲噴霧，除了有效驅蚊功效外，仲可以驅除係草叢和沙灘上的無脊椎昆蟲如蜱、蠅、蠓、蟎等，實行相倍護呀~

我覺得最好就係非常方便，使用時只係對住手腳噴一下，噴時會感到有一陣涼浸浸嘅感覺，真係既舒服又快捷呀！

依家每次去郊外活動，我地三口子都會噴一噴呀~

其實對於我選購防蚊用品，除左要留意安全成份之外，個味道都係我好大考慮之一，因為我鼻敏感鼻係唔接受唔到太強烈嘅味。依幾款產品味道都唔算強烈，我個鼻敏感鼻都可以接受到呀！

依排我地出街又真係少左俾蚊蚊錫(當然都有試過用緊產品時俾蚊錫，不過比起未用之前都已經少左啦)，同埋個味道都算可接受，加上成份又天然安全，所以一定係我回購列中的一款用品呀！