英超球隊阿士東維拉最近先經歷換帥風波，舒活再次擔任主帥一職。不過係前領隊林拔被辭退之後，一位6歲既維拉小粉絲就寫信去球會希望應徵呢個職位中，而新領隊舒活就決定寫封信去回應呢位可愛既小粉絲。
▼維拉主帥舒活
呢位粉絲Charlie Pye寫既信內容：「我諗我在團隊會議當中會表現得好好，我既戰術亦會好成功。我地需要阻止對手入波，同時要多些射門中框以取得更多入球，呢個就係勝利方程式。」「而作為薪水，我只要一個簽左名既足球、一個WWE摔角既公仔同埋糖果。而每個星期既贏波獎勵，我想要一條Twix朱古力。同時我會請我爸媽做助理領隊，咁佢地就可以車我返工。我媽咪亦會整三文治比球員補充體力。」
童言無忌既Charlie Pye亦引起新帥舒活既注意，為左保護呢位小朋友既美好夢想，舒活就作出咁既回應：「從你信既內容就可以肯定你對球賽有充份認識，係呢份工作既適合人選，當然你既幫手都係啦！希望你對於我搶左你個位唔會太過失望，因為你真係差少少就可以得到呢份工作嫁啦！」相信Charlie Pye收到呢封回信都不止於太過失望，繼續支持佢既愛隊。
