觀後感:
套戲真係幾無聊,開頭見女主角上門拜師以為男主角犯案手法有幾犀利,但原來出來只是小學雞貨色,所以想看到好似如Ocean’s Eleven般有計劃的大獲飯騙案就肯定滿足不到你要求,因為全戲都差不多只描寫這對男女師徒與愛情之間的關係糾纏,久不久才出出手騙騙財而已,但當中都不乏令人滿意的場口,如一單球場騙案我覺都幾有趣,將外間所講的逢賭必勝的屎橋開了個小玩意,以一個非百份百可以成功的數字催眠騙術手法解構得又幾令我信服受落,但其餘場口就相當一般,不是小學雞就是誇張到無可能發生.就算尾場較為大的騙案亦都只得一啖笑,誤打誤撞騎呢入局再加所謂扭橋真係看到你目瞪口呆(不是驚喜意想不到的目瞪口呆,而是係咁都夠膽擺上枱的目瞪口呆),但同時你又吹佢唔脹,因為只要放下質量只求觀感娛樂,電影整體又真的做到我所要的好睇喎!
繼Seven Pounds及Hancock後,這套可說是Will Smith另一套再以結局扭橋作驚喜的電影,但這套明顯比前兩套遜色得多,無力無聊亂耍一通,鬥智電影理應給我一個仔細精密的劇本,但今次個劇本不但欠缺智慧,而且更感有點低能.所以看一套好睇而又無質量的電影,真的給我複雜感覺.
講真,相機鏡頭及名錶講到這麼易偷,即摸即甩,女主角又何需攪這麼大的龍鳳?
【電影分享】小學雞騙術Focus
