喂！你細個小學作文堂一定會遇到又煩又閹悶嘅題目"我的志願"。
我嘅小學雞同學們大部分除左知道自己爸爸嘅工作之外，大家嘅詞彙當中就只有警察、消防員、醫生、護士同大老闆，所以大家都填上差不多嘅"志願"，當時我有個強烈欲望，可能電視裏面見到家駒實在太有型，我想寫上"我的志願喺做歌星"。但隨即打消呢個諗頭，主要喺因為怕多事八卦嘅同學們無盡咁恥笑，仲有喺因為隔離位嘅可愛女班長寫咗護士，所以我就寫咗醫生。我知我一定做唔成，因為我怕血。
而"歌星"呢個志願就成日響我腦海出現，但當時我冇同其他人講，只喺自己白痴咁發明星夢，而我估唔到呢個小學雞kai夢竟然影響我之後嘅人生。
Ooooo...唔記得介自己，我喺組合Coffee & Tea 嘅咖啡,"咖啡因公園", 而家喺一名音樂愛好者、結他導師、錄音室結他手、home studio達人、ifanboy、高登cdrom...仲有，我喺歌手。
咖啡因公園
