余文樂日前穿上西裝，以電影《志明與春嬌》「志明look」拍攝零系水動樂®廣告，變身上班族的他笑說：「我已經第4年拍呢個飲品既廣告，過往3年都係著運動衫，今年終於著多啲衫！其實係因為今次轉咗light味道，所以我都要轉轉look。（志明look？)我專登唔戴眼鏡架啦！」又再冧莊做代言，酬勞是否加碼？他笑說：「平時我會加個飯盒當加酬勞，今日食咗飯嚟開工，連飯盒都冇攞，哎呀！」
農曆新年假期結束，阿樂立即投入電影工作，他透露今年主力拍電影，但心裏有個大計希望能今年內完成，他說：「有一日我同彭于晏(Eddie)食飯，傾傾吓，覺得大家已經有13年冇一齊做嘢，好想搞個project一完成，我最想一齊拍電視劇，可惜未有適合題材。」Eddie現在操到好大隻，樂仔要練返6舊腹肌和人魚線力撼嗎？他哈哈笑說：「唏，大家sell唔同既嘢，佢依家大隻到好似Iron Man咁，要我操到咁勁，可能要等多1年喎！(不如你轉做導演，咁咪唔使比較身材囉！)做導演咁辛苦，我都係適合做演員！」
Aquarius®水動樂®品牌一直陪伴港人參與每個「敢出汗」時刻，切合不同的補水需要。品牌將於今季推出無糖、無卡路里的水分及電解質補充飲品Aquarius Zero®零系水動樂®，為注重體重管理的人士提供多一種選擇，讓他們於日常活動、如緩步跑或帶寵物外出散步後,補充因流汗而失去的水分及電解質。具清新西柚味的Aquarius Zero®零系水動樂®，為配合「感輕型」形象，特別邀請多年來合作無間的好動型男余文樂(Shawn Yue)參與新產品的推廣，當中包括電視、報紙雜誌、戶外、網上廣告及公關活動等。
談到再度與水動樂®合作，樂仔表示十分高興:「零系水動樂®『感輕型』的形象與我很配合。日常生活中有很多流失水分及電解質的時刻，例如平日拍外景，少不免在烈日下拍攝；而每次流汗後，我最愛以零系水動樂®補充水分及電解質，由於產品無糖無卡路里，我不會因而吸收額外的卡路里，同時照顧到我解渴及keep fit的雙重需要！」樂仔在今次零系水動樂®廣告拍攝中一反以往籃球員形象，化身上班一族，著得官仔骨骨追巴士。即使來來回回狂奔幾十次，樂仔亦表現專業，表示不覺得辛苦。廣告中更用上特製噴水池以加強補水感覺，樂仔看到特製噴水池時更像大細路一樣扮魔法師遙控噴水池玩不停！
