真人真事，話說有一日，係某一間大學發生左以下既故事..........
話曬有圖先有真相，女事主將whsatpp既對話貼左出黎:
睇完個條毒L既信息，我諗女事主，應該已經準備爆炸!
睇下佢點講:
下面先睇到你嘔血呀!!!
毒男又稱毒撚，是一個次文化用語，指欠缺異性緣的單身男性，源自日文「獨男」（日語漢字：獨男，即「獨身男性」）[1]。這個詞先在日本網絡討論區2ch的「獨身男性板」出現，由於日語「毒男」與「獨男」同音，網友把該板戲稱為「毒男板」」，後來就指具備一些不受異性歡迎特質的男性。
不論在網絡社群抑或現實世界，「毒男」與「宅男」在香港網民以至主流傳媒的意思均十分含糊，常與御宅族、隱閉青年、雙失青年、動漫電玩迷等混淆。
最新有關的潮文:
有網友改篇上述故事為潮文:
HI 曉儀乜咁啱吖,實不相瞞,你係我見過最聰明既女仔,而我又係一個聰明人,
所以你諗緊D咩想講D咩我都好清楚,得得得…你唔洗出聲,我知道你想講D咩架,
你特登扮冇誠意唔覆我無非係嬲我,怪我第一次whatsapp你果陣,居然唔知你叫咩名姐,
明明你成日偷望我,甚至咁難得可以同自己最鍾意既人,姐係我,一齊食野既機會都可以忍痛放棄,
可見得你真係為咗當初我唔知你叫咩名而憎到我死,你唔出聲我當你係,得得得…大家聰明人黎,唔洗講出口。
我知你好唔開心,不過我寧願你憎我我會冇咁內疚,其實我覺得我地性格好極端,你諗野理性到好似男人,而我諗野感性到女人,屌我都唔知點解會揀工程,成個藝術家脾氣。
唔怕同你講,中學有好多女同學主動同我講野打開話題, 你係我第一個只讀不回我whatsapp既人,平時係調返轉,而你果D所謂技巧佢地用到爛曬,你估我睇唔出咩。
曾經有個有錢女樣唔差追我追到出曬面,差唔多送上門,但係我都冇接受,你可能話我有食唔食罪大惡極,但係我真係對佢地冇feel,我唔會為咗錢出賣我靈魂,我個人係重feel多過物質,就好似你咁,真正美貌與智慧井重既女仔,令我對你都幾有好感,但再高D就完美。
話雖如此,就算你唔介意我差過你,我心裏都有條剌,同你一齊好大壓力,sorry,我語氣重咗D,相信你已經對我冇曬幻想,咩話?你話你冇幻想過我,唉…..你真係好進取,竟然將我地之間,你對我既幻想當係真實,得得得…你唔洗解釋,我明白既,可惜我係一個追求自由既人,再加上女仔春青有限,我無謂曬你D時間,你認為呢?
...出句聲好唔好,搞到我自己一個自言自語,你駁下我又好,屌下我又好,表下態比我都知你點諗吖,(停咗唔夠半秒)得得得…既然你唔講,我地緣份已盡從此成為陌路人,我以後都唔想再見到你,,,,,,
等等,我知你咁快擰轉頭係唔想比我知你開始想喊,但最後容許我為你留下一句美好既回憶,就係你有一種…好特別既氣質,係出邊D女仔冇,果種氣質……冇錯!就係仙氣。
