是咁的。。係上年個呢個時候。2015 4 月 我去左一間俗稱的傳銷公司。當然要加入間公司係需要$$。不過依個係頭外話。我本身有份穩定的工作。
我點解會去做夜總會小姐？因為錢。佢500一個小時。比起正常番工一日都可能只有300-700 。500一小時真係吸引架！！
我番過三間。第一間我上網搵係中環。半山區。佢上面有兩層。下面有間酒樓。可能有少少知道係邊一間野了。
佢要求化妝。連身裙。高跟鞋。加要set 頭。呢de我自己平時都有著。所以對我黎講不是問題。而且如果果日唔記得左或者趕唔切番去公司仲有得借裙同高跟鞋比你。唔洗擔心。亦有化妝。set 頭。即是話。只要你個人番去，其他都可以執。如是者我第一日番去。佢6:00-7:00 有飯比你食。都ok 架。唔難食。果陣我冇乜錢係身。少餐飯錢支出對我黎講好重要。咁食完就上去等客到啦。講真。個環境靚。又唔吵。而且全部房又乾淨。個老闆我好欣賞佢。可以做到夜總會之父係佢本事。
我第一番去。有個女人跟住我。佢都係一個有味道既女人。日本人識講廣東話。 由於我之前未接觸過夜埸。亦什少去club 玩。根本唔識。佢教我應該可以點融入個氣氛啦同點避酒。
係啦。個日本女仔教完我野之後就叫我上去等客。有個位置比女仔坐。冇野做可以玩手機同其他女傾計幾句。
當有客果陣會帶你入去。試檯十分鈡。咁試檯都會比$ 你。即使個客唔要。 我果陣冇諗咁多野。覺得。500 一小時。番夠幾多日又有勤工。勤工都有二萬。我以前一個月都得萬五。仲要未計你坐。對於經濟困難既我。真係條件好似好好！
我試頭幾次。都唔岩。可能因為我冇點出聲。又發呆既關係。唔要我啦。
終於有個教我玩幸運適。一路玩。一路傾計。佢冇對我有任何毛手毛腳。 就咁玩左兩個鐘。佢果檯就走左。
咁我果日冇其他檯坐了。番夠6 個鐘就可以收工。果日有$$ 一千以上。個人好開心。咁就可以有$$ ? 唔怪得咁多女仔番pr ..
其實雞個定義是否有性行為。用錢來作交易。我沒有和客上過房。一次都冇。
我真心覺得。唔係好多女仔會同我一樣。正係番工。無上過房。錢係吸引。一次就有3000-4000 老實講。我不㫁比人開價。個心係唔開心。另一方面。你比人開價，證明你有存在價值。
曾經有心動不如去上房。一次頂我兩日。又唔冼飲酒。有時一日由4 點番到零晨3 點。頂唔順會嘔。
**********
我覺得佢做得成功。只係欣賞佢個經歷。香港夜總會好多間。係得佢會用資源做好。我分享既心態係。我唔可以同到身邊既朋友講咁多。
由2015 到2016 對於我人生黎講好難過。
我想表達係直到現在。我係最尾果間夜總會即係第三間。識左我男朋友。 認識地點係夜埸。
但佢愛我。錫我。用心對我。
由我覺得錢比平時易搵。到今日我會去番工。去學習。去比心機。 有佢。再發現多次。即使你跌落谷底。即使你為生活而無可奈何。即使好多難關。
遇到難關。關關難過關關過。 唔需要將自己全部入曬果個位。做夜埸。有人享受果種氣氛。認為又有$ 收又有得玩。
愈 墮落愈快落？
但有人真係好等錢用。 每個人都需要尊重。冇資格去評論別人。
**********
有網友覺得呢位港女其實「內在嘅污糟」！
雖然你冇出賣身體去賺錢，但都你入得呢啲場係一定會比人講閒話講污糟立塌，唔係個個好似你咁可以行灰色地帶，係呢一行其實做崗位都好，呢一行其實係偏門，冇女人會鐘意嘅地方嚟，唔係歧視你，但啱唔啱你心照，將來你有小朋友都唔想佢行你舊路，更冇可能叫佢你做還做唔好接客，你估佢聽唔聽？？再加上你唔應該用好似欣賞心態去對一啲唔正確嘅價值觀度，冇錢唔一定要小姐，有好多行業可以賺，只係你寧願做啲舒服工，又可以搵快錢嘅地方，如果用比較心態，掃垃圾嘅我會覺得更加值得欣賞，外在嘅污糟唔會教壞人，內在嘅污糟係會影響人一生一世！！
人生有好多難關，唔一定要走偏門或灰色地帶先過到，唔係唔尊重更生人士，而係每個人都有選擇，可以選擇難行嘅路，有啲人揀易行嘅路，如果你有得選擇我諗你都唔會揀呢行，因為你都仲識得自愛唔出賣身體，但的而且確下一代係好睇上一代嘅行事為人，就算點走錯都會識返轉頭，但總有啲人喜歡沉溺係錯嘅事度，我睇你成篇野都覺得睇成個行業好正面，覺得你好欣賞創辦人能夠係呢行打出名堂好叻咁，我只係針對件事唔係對人，如果我有個行偏門好叻嘅老豆，我諗我唔會開心，反而我會因為改邪歸正而開心，一個人能夠反省自己，識得叫人唔好行呢條路，能夠知錯能改先係一種勇敢嘅表現。無論點講話身不由己都只是一種藉口嚟！係香港好好醜醜搵多幾份兼職都唔會餓死，個問題係你嘅價值觀偏重左去邊
希望你日後可以好好行上正確嘅路，唔好因為困難而廷而走險，人生有好多選擇，可以搵多啲人傾訴同幫助，係決定前好好思考下係米值得！22歲好年輕，每個人都有錯過嘅選擇，要好好記住努力係唔會冇出路，有需要返下教會吸收多啲正面嘅野，加油！
