我有個小學女同學結婚...不嬲都唔太FD..
但諗住成班舊同學當食餐飯咁啦...
咁我都跟返規距封左幾百蚊人情佢啦...
一去到...見到間街坊酒樓都唔太開胃...
都算啦!最衰既係...佢俾左份咁既回禮禮物我...
咩料!?!?
A4白紙print張結婚相俾我把鬼??仲要過膠都無...
張紙個size...我諗2R都無...
我同你唔係好熟咋!!唔想將你張相放入銀包呀!!
仲有粒白兔糖係咩概念??
個mc話粒糖係指甜甜蜜蜜喎...貪平咋掛!?
粒糖仲要懶係靚..用條繩綁左兩個結俾我...想拆開黎食都難喎大佬!!
之後個rundown又係好亂啦...d表演都係...
包捨佢阿媽上臺唱旺角個d大媽歌曲..(差在未跳小蘋果)
播播下片停左...不過見到佢個婚禮咁cheap...其實都預左啦...
我真係無諗過d人可以無品味到呢個地方...
份回禮禮物真係....無得頂...
我呢份算唔算係史上最cheap既禮物呢??定係你地有收過第2 d?
仲要而家佢whatsapp返我覺得個婚禮點...我應該點答佢...