曾為「宅男女神」嘅苟芸慧出道果陣有樣有身材獲無線力捧，但後來因甲狀腺問題，由出道時嘅115磅一度飆升至170磅，人氣不再，喺播緊嘅劇集《EU超時任務》中更俾譚凱琪搶盡風頭！
2009年，移民加拿大嘅苟芸慧返港參選國際中華小姐，當年狀態大勇嘅佢以34D、24.5、34.5嘅fit爆身材，加上挾「多倫多林熙蕾」之名大熱奪冠入行。
人靚自然多人追！苟芸慧入行後桃花多多，憑標緻外貌及迷人電眼「電暈」一眾城中型男，先後同鄭嘉穎、謝天華及蕭正楠等人傳出緋聞，同時亦俾一眾宅男推舉為「女神」。
2012年，身為「男星殺手」嘅苟芸慧同天王郭富城合拍MV後傳出緋聞，緋聞勁人氣強，當時佢喺短短兩個月就出席咗十個活動，穩袋百萬酬勞，「錢」途無限！
處於事業高峰期嘅苟芸慧，被指介入郭富城同熊黛林嘅戀情，更有傳系兩人分手嘅導火線。當時佢疑因不堪外界壓力，患上甲狀腺失調及傳患抑鬱症，喺藥物副作用影響下，體重暴升至170磅，跌曬Watt！曾經轉行做老闆娘，投資點心店生意。
後來佢控制病情後又復工，但身形依舊忽胖忽瘦。為咗恢復原先體重，佢曾努力運動學泰拳、做瑜伽，但可能運動得太激烈，做完即刻大食又破功，搞到佢哭笑不得……依家終於將一身肥肉減咗落嚟，結束咗一年幾嘅噩夢。
小編覺得減咗落嚟就好，雖然肥肥地感覺幾可愛，但系都系瘦翻好睇。睇完本文，大家記得都要堅持多啲做運動呀！
金句王
微信號：jinjuking
