呢個星期天氣好到不得了,應該唔少朋友已經忍唔住出咗去同陽光玩遊戲!而我個同事前日去咗游龍舟水,返到公司見到佢成身成面曬到好似出爐乳豬咁... 我問佢點解喺呢個年代,個個都知道UVA UVB有幾毒,都仲可以咁勇唔搽防曬呢?!我以為佢會答我嗰啲標準答案「唔鍾意防曬笠痴痴」、「唔鍾意防曬陣味」,點知佢嘅答案係「防曬對海洋唔friendly!!」真係一言驚醒洛克人,唔講都唔記得咗,唔係隻隻防曬都可以出海用㗎。今次想介紹下ISDIN FUSION WATER URBAN 多維光護沁融都市防護水感防曬液 SPF30+(個中文名真係長咗少少,所以佢有個別名叫防曬萬金水 SPF30+)如果我早一步知道佢出海游水,我就會叫佢用呢支啦...(掩面)

上年大概係呢啲月份,我大大話話試過4、5種防曬,但我覺得最啱香港呢啲天氣用嘅得ISDIN呢支。ISDIN 防曬萬金水可以抵擋UVB & UVA嘅傷害,而佢最特別嘅係佢含有薑根提取物呢個成份,可以提供抗氧化劑加舒緩作用,抵抗太陽有害嘅輻射同埋空氣污染。

質地好輕身好透薄,搽開有啲提亮嘅效果,懶人搽佢直接就可以出街返工,當然啦如果你唔懶嘅話,用佢嚟做底妝,上面再用粉底,效果都好好,冇起擦膠碎,毛孔仲好細緻添。我覺得ISDIN呢隻控油力都非常之唔錯,我都好怕搽完防曬之後成面油光,呢隻唔會,少少香味,冇防曬味,幾好㗎!

冇泛白,濕用一樣得,唔會流白汗(呢個好緊要,唔好嚇親人丫嘛...)我比ISDIN FUSION WATER URBAN滿分,係近年試過嘅防曬中最好嘅一支。

(我係屬於懶人,所以我妝都唔化喇~)夏天真係好熱好曬,防曬大家已經知道要搽,最好就揀啲質地薄嘅防曬等皮膚可以抖下氣,唔好泛油。ISDIN FUSION WATER URBAN SPF30+ 唔澀眼,防敏感,仲有,係少數使用可降解配方同埋無機成分嘅防曬產品,絕對係ocean friendly,我諗呢一年嘅疫情令大家對於保護地球生態有更深嘅體會,記得出海嗰陣都揀返呢隻防曬嚟用喇!

 

多維光護沁融都市防護水感防曬液 SPF30+ 銷售點
莎莎 / HKTVmall / 榮華 / 明尚藥房有售
https://www.facebook.com/VankoTechnology/

 

 

**產品/產品資料由品牌提供,真心分享。歡迎電郵查詢。

 

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com



 https://www.facebook.com/popcornellie