日本便利店美食分享（甜品篇）

日本便利店美食分享（甜品篇）

日本咁多間便利店咁多款甜品，到底邊款好食？邊款最伏？

作為一個專業既港女，唔係唔食番幾樣再呃下like下嘛？宜家就等我呢個港女同大家分享下我試過既幾款甜品啦！

綠茶慕絲布甸

呢杯布甸分為四層，由最高至最低：忌廉、綠茶慕絲（中間夾住少少紅豆蓉）、焦糖醬。一開盒有原味同埋綠茶味嘅忌廉係面，滑身，易入口。中間既綠茶慕絲有濃濃既綠茶味，好滑，而且仲有淡淡的紅豆蓉夾住係中間。底部更有一層焦糖嘅布甸醬，但係啲焦糖又唔會好甜。總括而然，成杯野綠茶味濃，每層都好夾好滑，可以一試。

好食：★★★★☆ (5★為滿分）

抵食：★★★☆☆

價格：¥238yen

購自：Family Mart

4 in 1焦糖布丁

呢款4個裝既布丁真係私心推介！表面微微燒烤過，布丁蛋味濃，超級滑，底層仲有大量香甜焦糖。重點係4個布丁只需要135yen！你無聽錯呀，即係一個為番唔洗36yen，即係港幣$2.5左右，抵到爛呀！

好食：★★★★☆

抵食：★★★★★

價格：¥135yen

購自： 7-11

LAWSON奇異果乳酪/蜜桃乳酪

佢既質地類似平時食超市雀x乳酪杯，少少杰身，唔會太hey，飲既時候仲會有少少果肉。整體酸甜度適中，十分開胃，最岩夏天飲。

好食 ★★★★☆

抵食 ★★★★☆

價格：¥140 yen

購自：Lawson

明治抺茶雪糕

每次去日本我都必食呢個抺茶雪糕，因為佢實在太易買到，差不多每間便利店都會見到佢。抺茶味ok濃，雪糕夠滑，重點係佢有成200ml，大食都唔怕呀！

好食： ★★★★☆

抵食： ★★★★☆

價格：¥135 yen

購自： 7-11

明治白桃味乳酪

如果合埋眼食呢個乳酪，你可能會以為食緊香港「雀x」既乳酪，味道、口感、質地同甜度都差不多。食既時候有粒粒桃肉，滑身既，但係我就覺得甜左少少，同埋桃味唔濃，我覺得唔洗浪費quota試。

好食：★★☆☆☆

抵食：★★★☆☆

¥128 yen

購自：7-11

溫馨提示：

以上既產品大部分可以係超級市場買到，價格亦會比便利店平1/3，即係大約平3-4蚊港紙，你地經過既時候不仿入去買定幾杯番酒店慢慢食呀！

小編真係好愛日本既美食呀～～我既介紹希望大家都岩食啦！

部分圖片源自：Google

編輯：Daphne Wong