【多舊魚紫菜】KFC又有新產品！

今日出街食唔使煮到身水身汗又可以嘆下冷氣咁，呢間榮光中心在恆香隔離，下午茶時間無咁多人都幾舒服。

咁啱今日是無飲管及無杯蓋日，為左方便飲用我就走冰。

KFC有個新產品和風醬脆雞，睇個樣幾靚仔幾吸引。

所以我就點左這個餐，不過......

個雞件睇落同其他雞差不多，表面睇好似擦左D照燒醬，灑左D芝麻同香蔥，最特別附上1包四洲內有三片的四洲紫菜。

要自已動手把紫菜貼在雞件上，但！四洲紫菜有個特點就是很脆，而雞件又不是熱辣辣，啲照燒醬又唔多，這塊紫菜跟本貼不上，這個諗法都唔知邊個諗出黎，正一多舊魚，總括黎講次呢隻雞無乜味，所以唔會食第二次。