早前同大家分享咗睡房嘅部分風水禁忌問題,以下裝修佬為大家再繼續深入探討唔同類型人士嘅睡房風水,一齊去文!

兒童睡房風水 

兒童睡房採光需要格外注意,做功課或閱讀,會影響聽視力與健康;兒童房格局忌三角形,環境要舒適寧靜,牆飾以純真有趣為主,如有遊戲空間,不宜與做功課或作息混埋一齊。 

 

單身人士睡房風水 

單身年輕人易招桃花,忌用冷色系燈光,睡床安置係桃花位,可增加異性緣;花樽擺係床頭櫃桃花位,牆上可掛格調溫馨,寓意美好嘅圖案掛畫,避免玫瑰、仙人掌人招爛桃花嘅植物。


婚房睡房風水 

婚紗相放床頭,代表坐山;忌大床對門,婚床擺放係結合新娘子命理所喜五行;擺放吉祥物成雙成對;鏡唔好反射床,如戶型缺角,採用泰山石用以填虛化實;入門位東南方嘅房間係理想嘅婚房。 

 

長者房風水 

長者睡房忌寬大豪華,人氣不足就會吸氣,不利於健康;長者睡房設於東方或者南方,勤通風,枕具不能太柔軟,唔好安排係嘈雜地方,顏色物好太過鮮艷。 

睡房床擺放禁忌 

床不可對門,以免被人一覽無遺,無私隱及安全感,會影響休息。如果遇房門相衝,可以用屏風來擋門,既唔會阻隔床門相衝,同時亦保留睡房私隱。 

床無論安於何處,關鍵在於應該以居住者可以係床上見到睡房門與窗為宜,黎明時分,會有陽光照射到床上,有助於吸收大自然的能量。 

床頭唔能夠靠門,如果因為睡房空間有限而將床位細大門口側,就犯咗睡房大忌。不可有橫樑壓床,以免造成壓抑感,亦有損人身心健康。此類情況包括不可有橫樑壓睡房門,分體冷氣機不可懸掛於枕頭位上方,睡房正上方不可懸掛吊燈,呢啲都屬於橫樑壓床嘅範疇。 

床不可對鏡,因為人係半醒之間,半夜起身會容易被鏡中影所驚嚇,精神不安寧,導致頭暈目眩。如果睡房中有鏡對床,可係夜晚用不蓋住或將其轉向牆身。 

 

(文:巨龍)

(以上圖片均來自網路,如有任何版權問題,請與本站聯絡)


 【風水知識】睡房的5大風水禁忌!你知幾多?(下)

 https://www.facebook.com/hkdecoman