香港地寸金尺土,難得上車買樓卻係細單位面積戶型,相信好多人會絞盡腦汁想增加多啲活動、儲物空間,從而忽略咗風水嘅重要性,其實風水都可以同蝸居嘅環境好合拍架!只要懂得箇中技巧。以下裝修佬為大家分享細單位細單位風水禁忌,一齊去文。


1. 開門即見窗 

大門打開正對後門或窗,係風水上俗稱“穿堂煞”,係居家風水中常見嘅風水禁忌。尤其係細單位戶型當中,因空間條件實在有限,難免發生開門見窗嘅狀況,建議可以設置一道屏風阻擋入門視線、化解煞氣,選擇霧面、穿透式材質,同時又可以令光線得以延伸,保持空間明亮。 

 

2. 鏡正對床 

好多女士都會係房間內擺放一大塊全身鏡,以便出門時整理儀容;鏡面亦經常作為室內設計手法,用來創造視覺放大效果。不過要留意鏡應避免正對床鋪,否則容易影響睡眠品質,建議移動鏡嘅擺放位置,或裝布簾加以遮擋,唔需要用時可將其隱藏。 

 

3. 保持環境整潔 

係風水學角度來講,雜物堆積嘅地方就會產生穢氣,進而影響整體運勢,尤其須注意床底下應避免擺放過多雜物,容易有害居住者身體健康。建議定期清理家中雜物,維持乾淨、整潔,清爽嘅居住環境,自然對身心帶來好氣場。 

 

4. 保持通風明亮 

空間保持明亮通風,絕對係好風水嘅首要條件,若長期居住係潮濕陰暗環境,久而久之勢必對生理、心理造成影響。建議要選擇有對外窗嘅房型,經常開窗保持光線、空氣對流,才能替空間帶來好氣場。 

 

5. 顏色佈置不宜太深 

適度對房屋進行風格改造,能夠為生活帶來豐富情調,不過係色彩選擇上應以淺色系為佳,令視覺保持清爽、舒適,仲可以為室內帶來寬敞效果;避免選擇過於冰冷、暗沉色調,唔單止容易壓縮空間視覺感,亦可能造成心理上嘅壓力。 

 

6. 床避免正對門口 

床位風水係一大學問,無論係邊種戶型都需多加留意。細單位床位擺放,建議係大門嘅斜對角位置較佳,咁做就唔會一入門就見到床鋪,產生開門見床嘅風水問題;另外要避免床尾對正門口,否則形成門衝床嘅格局,居住者情緒會容易受到干擾、心神不寧,會對身體健康造成極大影響。 

 

(文:巨龍)

(以上圖片均來自網路,如有任何版權問題,請與本站聯絡)


 【裝修風水學】細單位的6大風水禁忌

 https://www.facebook.com/hkdecoman