分散風險的圖片搜尋結果

(網上圖片)

所有人都講分散風險,唔通個個都想、又個個都識分散風險咩?究竟係分散投資方式導致風險降低,定係在唔同時間買唔同類型唔同野來對沖風險,定係咩高風險野都唔做索性完全迴避風險呢?

前個禮拜,有機會sit左堂朋友搞嘅財務教育班,同其他同學、朋友交流,個個都話理財睇落好簡單,講吓正現金流、資產管理,處理好啲負現金流、負債,玩吓cashflow game講吓case study,咁個個都成為理財大師,好似好簡單咁。

突然之間,講到東西方社會分別,幾時需要disclose、起疑,都係學問。例如,有種叫「honor system」,你會一直相信,直至發現被騙;另一種叫「懷疑主義」,你會一直confront,直至找到確鑿證據証明真確無誤。咁cryptocurrency呢?你會抱住咩心態睇呢樣野?有同學話唔識睇,所以無買;唔買唔賺,最重要嘅係起碼唔會輸。有啲同學直頭話係騙局,仲衰過仙股,無公司無業務support,又無咩實際應用地方(起碼香港地merchant肯收cryptocurrency做交易貨幣根本唔多),遲早爆破咁話。其實,只要有dream,一齊炒起一隻野,有幾難?市場話有價值就係有價值,就算無證據都好只要有人機關算盡你都一樣會死無全屍。因為,自己獨自輸錢,係慘過全世界都win而只有你一個做outsider無參與過無賺過。所以,有幣勝無幣,無幣就好心煩啦宜家。所以,如果有幸比個有經驗嘅ICO莊家呃左你入局,就睇吓你用咩角度分析啦,入局出局都好,有錢搵就得。

同學講完ICO呢啲trendy深野,就講返啲淺野,就係股票嘞。市場上,有一種股票叫「雨潤」、「南戈壁」,你以為賣肉賣食品賣必需品實無死啦,你以為做煤做能源發電實無死啦,點知,人算不如天算,死得超級甘。另一種叫「騰訊」、「吉利」,你以為係bubble賣game賣data賣電動車都唔係咩必需品仲要同傳統野分別好大,邊有可能咁耐持久力呀?仲唔popped?錯曬呀!就係升到你唔信!無買中呢類股,全輸!買得少,都輸!買中前者類無買後者類,慘到無輪。而慘中之慘嘅係,買左後者類嘅put輪……最後,大家都認定,high risk嘅cryptocurrency只可以炒,唔建議放入個portfolio度。保險、國債、公司債、外幣為首選類;股票、物業係次類;其他嘅都係第三類。保本,係緊要過賺錢。

前幾日,入左醫院做左個小手術,切左生係右手上面嘅一粒野。出院後,包住左隻右手大半,完全發唔到力,於是,唯有用左手去做番曬平日用右手做嘅工作,先發覺,原來自己根本平時好少訓練左手,一唔用隻主力手,起居飲食、刷牙、抹身、梳頭、開大、用筷子……全部都唔太順。又諗起,平時打籃球,只得右手唔識用左手,死去一邊好易比人睇死。就好似投資,只信死一種方法一種投資產品,無其他替代方案無退路,一high野就死得好慘嘞。所以由宜家開始,一定要用多啲左手,學多啲cryptocurrency,除左自己擅長、慣性嘅野之外,一定要學啲自己唔擅長嘅野,打好底,人一定要有退路,因為,當需要改變嘅時候,有無替代計劃,好鬼緊要。

你能夠成功分散風險,就係代表,你愈有搵出有效方法解決問題的能力。