無論係希望自己變得更fit、減走難睇既脂肪,抑或係想減壓,運動幾時都係最好嘅選擇。但留意返,如果喺運動方式或姿勢上做錯咗,情況分分鐘仲會差過唔做!

以下小編就會同大家講解做運動常有嘅11個錯誤觀念,如果發現自己一直都做錯,就快啲改正喇,唔係嘅話就只會弄巧反拙,減唔到磅不特止,仲會整傷自己。

迷思:想keep fit 每星期只需要運動一至兩日就足夠。
真相:如果想減磅,呢個數字絕對唔夠。

迷思:最好嘅運動時間一起身就做。
真相:其實運動無話最好嘅時間,最緊要係持之以恆地每日做。

迷思:重量訓練會將脂肪變肌肉。
真相:其實脂肪係唔可以轉化成肌肉嘅,因為兩種根本係完全唔同嘅身體組織。

迷思:拼圖係最好嘅「腦力運動」。
真相:其實簡單傳統嘅身體運動比單純嘅「腦力運動」好得多,尤其係帶氧運動可以強化心肺功能、增加血液循環,對提升腦部活動好有效。

迷思:做運動係最好嘅減肥方法。
真相:除咗運動之外,健康嘅飲食習慣都同樣重要。

迷思:Sit-up係訓練腹肌最有效嘅方法。
真相:相比起只針對腹部嘅sit-up,plank更可以訓練整個側身、前後背嘅肌肉群。

迷思:重量訓練陣係男人適用。
真相:其實重量訓練係用嚟訓練肌肉嘅強度,同性別無關。

迷思:無做運動至少兩星期,肌肉先會開始分解。
真相:其實無做運動一個禮拜,身形就已經會開始走樣!

迷思:跑馬拉松係keep fit 好辦法。
真相:即使未應付到馬拉松,普通長跑都係一種好好嘅運動。

迷思:紀錄每日食咗啲乜嘢有助監控食量。
真相:即使好努力留意自己食咗啲乜,但我哋對自我嘅要求總係會寬鬆過真正嘅需要。

迷思:做完運動要補充水份梗係飲運動飲品啦。
真相:運動飲品主要成份只係糖同水,專家建議運動後最好係飲清水同埋高蛋白質嘅零食,有助重塑肌肉。

(圖片來源:tumblr)