雖然美國同香港距離相當之遠，但對於美國今日選舉戰況，影響力深遠之極真係全球都為之注目。縱使選舉之前各大民調都係顯示希拉里較為領先，但最終喺美國人民投選之後，特朗普竟然就衝前勝出。
特朗普呢個名大家近日就聽得好多，但其實你地又知唔知道佢鏡頭背後究竟係個點樣嘅人呢？
1. 有潔癖，最怕同人握手
（圖片來源：Giphy）
出任美國總統經常外訪，又要接見唔同國家領袖，握手係最基本嘅禮儀，出席任何場合都需要去做。但原來特朗普本身份人就出左名係有潔癖，所以對於要同其他人有任何接觸，其實佢都非常抗拒架！
2. 滴酒不沾
（圖片來源：thedcgazette）
特朗普一向比人印象都係過住奢華生活嘅美國富豪，但估佢唔到原來佢係滴酒不沾，並無任何酒癮！至於點解佢係有別於其他人唔好飲酒，有人就推測最大原因係因為佢哥哥弗雷德有菸酒習慣，以及因菸酒死亡有關。
3. 曾承諾奧巴馬辭職就比終身高爾夫會席比佢
（圖片來源：nbc）
特朗普不滿奧巴馬施政就已經係人所共知，但真係估唔到佢為左換走奧巴馬，竟然曾經承諾如果奧巴馬自動辭職，就會比個終身高爾夫會席對方。究竟呢個係乜野offer嚟架？人地會答應就奇啦....
4. 最介意人地笑佢手指短
（圖片來源：huffington post）
《Vanity Fair》雜誌編輯Graydon Carter就因為曾經喺大約30年前笑過特朗普手指短，而被特朗普一直窮追猛打。例如有一段時間，特朗普都會將自己嘅手印寄比對方，力證自己雙手係正常size。所以特朗普真係好介意人地笑佢手指短架！
5. 曾經被選為最差男配角
做生意佢就出晒名，但原來做男配角佢都好出名，不過就係最差男配角囉！喺1990年憑著電影《Ghosts Can’t Do It》嘅演出，特朗普就被Razzie評選為1990年浪漫犯罪喜劇嘅最差男配角，此外同一套電影亦都喺選舉中贏左最差電影。
6. 唔落手做生意，佢反而會做到億萬富翁
（圖片來源：newsweek）
由於佢爸爸剩落唔少財富，所以如果特朗普遊手好閒唔自己落手做生意，其實佢就可以憑住老豆剩落嘅基金做到億萬富翁。
7. 用刀叉食Pizza
（圖片來源：nydailynews）
可能香港人未必知道，但喺美國食pizza如果係用刀叉，其實係一宗完全唔可以原諒嘅罪孽！！！！！！！！所以如果你係美國人見到佢咁食，應該就已經眼火爆喇... 再講多少少你知，除左會用刀叉食之外，佢仲係唔會食條邊架！超浪費食物呀！！！！
8. 出過一隻桌上遊戲
（圖片來源：huffington post）
如果你係桌遊Fans，唔知你有冇玩過一隻同特朗普同名嘅桌上遊戲呢？應該機會都非常之低喇... 因為特朗普桌遊喺1989年推出之後，就由於銷售差勁而暫停發售左喇！
9. 家族本姓為「Drumpf」
（圖片來源：newsweek）
特朗普英文姓氏為「Trump」，但原來「Trump」本身家族嘅本姓其實係串作「Drumpf」。
