放假去旅行係唔少人心目中係奢侈,而係部份老闆眼中去旅行更可能玩到個心散哂,無心機返工,不過最近有研究指去得多旅行係唔會影響工作效率,反而會增加辦事效率添!

最近有間美國顧問公司公布一項研究,指間中放下假去旅行玩下,係能夠提升工作效率。研究一共邀請2,310位分別來自20個國家嘅上班一族,結果發現瑞典同巴西嘅打工仔擁有最多嘅有薪年假,全年有成41日。而澳洲同美國嘅打工仔待遇就差一截,分別只係得28同10天年假,香港打工仔同美國打工仔都不遑多讓,僅得7至10天年假。

顧問公司要求被訪者完成指定測試,睇下佢地平常嘅工作節奏同效率,然後再以佢地完成嘅工作,分析工作品質同忍耐能力。結果發現,放得較多有薪假期嘅國家無論喺工作速度、品質及員工忍耐能力方面,評分都比較低嘅表現稍勝一籌。而當受訪者被問到工作量會唔會太多,或者佢有冇能力有效咁編配自己工作嘅時候,擁有較多有薪假期嘅打工仔大多都能肯定地回答。相反,擁有較少年假嘅打工仔會顯得有保留。

雖然結果顯示擁有較多有薪假期嘅員工工作效率普遍較高,但研究同時發現佢地所承受嘅壓力亦較大,因為佢地假期實在太多,工作時間少,所以要盡快以高效率去完成工作,拖拖拉拉就只會令工作無法喺限時之內做好。

更多打工仔分享,追蹤 ECjobsonline 專頁 或 瀏覽 www.ECjobsonline.com