Mirror成員盧瀚霆(Anson Lo)繼鄧麗欣後,最近找來林奕匡(Phil)合作拍片,二人除了演繹Phil的新歌《精神時間房》外,Anson Lo更向Phil親自教授舞技,怎料這卻是一場花姐與Phil事先夾定的整蠱事件,Anson Lo 被整片段今晚在Mirror YouTube Channel 播放。


Anson Lo與Phil結緣於《全民造星》時期,當時Anson Lo雖然未有被安排與Phil合唱,但卻有一件小事令他念念不忘,Anson Lo回憶道:「當時我嘅B Team輸緊,Phil亦唔認識我哋,但都主動走埋嚟同我哋講加油,嗰一刻令我好感動,亦覺得Phil為人好Sweet。」正因為這樁小事,Anson當時知道可以搵前輩合作,就即時想起Phil了,他說:「我由錄第一首歌開始,監製Edward Chan就話我唔夠感情,但我聽Phil嘅歌就覺得佢放咗好多感情落去,同埋感覺好輕鬆,我好想借機偷師,所以今次就邀請了Phil同我拍短片。」


Anson Lo舞技了得眾所周知,Phil唱作能力超強也是早被肯定的事,所以二人合作,當然要Show一下各自的專長。Phil有備而來,帶來了《精神時間房》與Anson Lo合唱,同時另一方面又與花姐夾好,在Anson Lo教他舞步時要留難對方,不停說太難或未夠有型作刁難,要Anson Lo即席構思其他舞步教他。難得Anson Lo沒脾氣也沒架子,即場將舞步改完又改。到最後,當工作人員揭穿整蠱事件後,Anson Lo才恍然大悟,還在現場不停傻笑呢!


事後二人被問到今次的整蠱事件,Anson Lo笑言:「今日係考急才!」,Phil則說:「考你急才,但考我演技!」不過Anson Lo也坦言從沒想過會被人整蠱,他說:「其實喺未揭穿呢次整蠱時,我就諗應該可以俾多啲,但見Phil好似唔係好想跳,就諗佢係咪工作上有啲唔開心呢?所以我都唔想勉強佢,就不停想有冇其他方法可以做到件事。後尾知道係整蠱之後,我哋最後認真跳咗一次,就覺得Phil其實好enjoy跳舞,令我幻想到佢喺屋企跟住音樂『un』,正呀!」Phil聽到Anson Lo的猜想也坦言自己偶爾會在家中「un」下,但卻只敢獨自一人在家時才會釋放自己,他解釋道:「通常我只會喺我老婆唔喺度時先會『un』下,因為佢睇慣啲跳舞勁嘅,我唔敢喺佢面前獻醜。」


對於與花姐事先夾定整蠱Anson Lo,Phil指從中看到對方是一個很有耐性的人,他說:「Anson Lo教我跳舞時有求必應,譬如我話動作好難,又或者唔難但又唔夠型,佢都不厭其願即席再度過啲Step,睇得出佢對於音樂、工作都好有熱誠。」Phil又表示,見識過Anson Lo的舞技後,他更期待Anson Lo演唱慢歌呢!


 《精神時間房》「與花姐夾計」林奕匡整蠱Anson Lo

 https://www.facebook.com/starshk