“叫我阿宇啦,比較有親切感。叫我X先生的話,好似去見工咁。” 帶點氣質的阿宇是森盟設計工程有限公司的創辦人之一,他展露一副清爽的形象,與一般裝修師傅有大不同。

你個樣似做IT喎…… 以前我做冷氣機安裝維修,而家係裝修佬,冇做過IT。

想必是天天待在冷氣房內,所以才會變成這樣? 冷氣佬是負責安裝維修的,涼冷氣冇我粉。

由冷氣佬升級到裝修佬的經過? 作為專業的冷氣佬,忙起上來無得停,其實很有前途。 “香港咁多冷氣機,日日都有機壞、有人裝新機,真係“忙到甩碌”。不過冷氣機有分旺季、淡季。旺季係熱天,冷天就靜啲。所以要趁旺季做多啲單,搵夠錢過冬。“ 不過,做冷氣與裝修不無關係。“始終要裝冷氣機的地方,都會接觸到裝修佬或者戶主,亦聽過有人話一些老前輩退休,之後有人話搵唔到好師傅。” 世界在變,過去的阿宇卻未試過認真考慮做冷氣機外的工作,恰巧有一次與幾位行家碰面,人才雲集,水電、坭水、廁所、鋁窗、油漆、冷氣,說得出口的都有。“咁齊人,組隊啦仲等?”阿宇聽見自己的心聲。

組隊搞工程公司真係咁簡單? 當年組隊的人,都是實力派,正因為有高度實力,大家可能心想判頭肯定有工開,只要努力守護自己的專業,不愁沒有工作。 但,為什麼我們一班相識的人人才雲集,卻沒有想過要另起爐灶,主動出擊?當我明白這不是一場夢之後,我就抓住了這個機會,不再等了。 主動和被動的分別好大,懂得行動的人,個世界會變得不一樣。 現實與夢的分別……夢到幾時先肯醒?要識得幾時醒。

有冇遇過不快經歷,例如西客? 開公司以後,阿宇有更多時間花在與師傅和客人溝通的層面上,畢竟,阿宇本來就是擅於溝通的人,平時也會負責公司的推廣宣傳等職務,可說是公司的外交專員。 “你問我有沒有遇過西客?老實講,真係無印象。”

剛剛你說好的師傅越來越少,因為沒有年輕人入行? 阿宇不敢斷言是青黃不接,但裝修行業很有前途,所以他也希望年輕人會考慮入行。 “試過有後生仔來見工話好想做裝修,我見佢咁有熱誠,比他跟我學師。佢未夠一星期就有怨言,一個月未夠就辭職。” 原因是?他說,原來裝修不是想像中那樣的,做得一點也不高興。不高興是一種說法,內裡的含義應該是不夠舒服……好辛苦! 年輕人真的太年輕了,想多了?

做裝修好辛苦? 裝修的環境肯定污糟又熱,點會唔辛苦? 不過一家大細等我開飯,我不能停,所以未來二、三十年都唔會想退休。 希望呢段時間會出現多啲有熱誠嘅後生仔願意入行。

你問我為乜做裝修? 其實只係想做多啲野,盡力幫多啲香港人。

本文章內容及圖片均由本專欄作者提供及上載,並不代表本公司立場,如有任何版權問題,請與本公司聯絡。


 裝修佬逐個捉: 當一個冷氣佬遇上一班裝修隊友 (裝修強)

 https://www.facebook.com/hkdecoman