由導演邱禮濤執導,劉德華、古天樂、苗僑偉、林嘉欣,影、視帝后陣容打造的 《掃毒 2 天地對決》,即將在七月十六日上映。除了正邪對峙的火拼場面,戲中的三角關係同樣受人注目,華仔周旋在兩位女神林嘉欣和周秀娜之間,他大讚選角非常合適,這位經驗豐富的影帝與她們的對手戲,竟有一種從未遇過的新鮮感。


相識多年的劉德華與林嘉欣原來今次是在大銀幕上首次合作,首日開工碰面就要拍在家甜蜜相處的場面,兩人一見面即來個擁抱之後,都不時談笑風生一下,又會好像老朋友見面般回憶往事,嘉欣表示:「第一次同華仔合作,重係演佢老婆,我驚被人妒忌呀,哈哈!開工見到華仔事事都親力親為好落力,加上佢係電影監製,會同我講好多detail 位,幫助到演得更深入。」首日拍攝除了甜蜜相處外,同樣也要拍爭吵戲的場口,嘉欣感到壓力爆棚,幸好二人表現非常有火花,她說:「有時演員嘅情緒起伏好大,而華仔可以照顧埋我脆弱嘅一面,所以我非常信任佢。」

在戲中飾演前度男女朋友的周秀娜及華仔,首場戲也是唯一一場對手即是分手的激動場口,拍攝前華仔同娜姐邊對劇本,邊親自一同試位,娜姐表示:「華仔好有親和力,合作起上嚟唔會驚,反而好舒服,我今次演佢前度女友,拍得一日真係唔夠喉!最初我都擔心同劉德華合作,會唔會有種距離感,佢在現場可以將自己嘅緊張轉化成與彼此嘅默契,令到之後拍攝都好順利。」


至於周旋兩女神之間的劉德華,形容飾演夫婦的林嘉欣戲裏戲外都非常合拍,有一種相逢恨晚的感覺,他表示:「冇諗過和嘉欣喺螢光幕上係咁似一對夫妻,可能呢啲就係天生嘅化學作用。」至於同周秀娜的合作,華仔直言當初對於這個情侶關係感到很不好意思,他笑說:「其實我都一把年紀,仲要同佢演男女朋友。不過我演完後覺得選角真係好好,之前有睇由周秀娜主演的電影《29+1》,佢嘅創造力係好高,亦都好希望喺演出方面可以搵到啲新血碰撞一下,可以令自己進步。」


 《掃毒2天地對決》林嘉欣演華仔老婆有壓力

 https://www.facebook.com/starshk