裝修佬已於2018年10月初進駐新Office喇!裝修佬新Office揉合工業風同簡約風格設計,名為「裝修吧」,只要係裝修吧會員,就可以到訪享用免費飲品、小食,而且仲可以免費參加不定期舉辦嘅活動呢~當然裝修佬亦非常歡迎各位非會員上嚟探訪吓我哋啦,因為裝修吧唔單止係裝修佬嘅基地,裝修吧亦都同時係選購裝修物料、工具嘅好地方嚟架 ! 事不宜遲,即刻同大家解構一吓裝修吧啦!



貨架展示區 (啡色區域) 

裝修吧內有多個貨架,將會展示唔同品牌,包括犀利牌、多樂士、WORX、M2K等等,貨物由油漆、瓷磚等裝修建材以至維修必備嘅電動工具都一應俱全 ! 

品牌展示小屋 (紫色區域) 

除咗室內有裝修建材、工具展示區之外,室外亦有小屋展示區,每間小屋將會由一個特選客戶擺放並展示特色商品,戶主可以到展示小屋裡面參觀、試用多種特色商品架 ! 

DIY專區 + 裝修華工作室 (黃色、藍色區域) 

作為夠晒貼心嘅裝修佬,都知道有時未必每位戶主都識得用各種電動工具,所以裝修吧特設戶外DIY專區,俾各位戶主、甚至師傅試用電動工具,而全程亦都會有裝修華提供指導,務求令所有人都識得正確操作電動工具呢 ~ 而呢兩個區域亦同時會於每月舉辦嘅DIY班開放俾各學員作實習用途o架 ! 

優閒區 (綠色區域) 

最後唔少得嘅當然係一個戶外優閒區啦,會員可以喺優閒區約見準備裝修嘅戶主或者同同行交換心得。當有活動嘅時候,優閒區亦會開放俾各會員以及親朋戚友享用,唔會只限於室內活動,唔會咁焗促啦 ! 

講咗咁耐,都未提到新址位置呢 ! 裝修吧位於 荔枝角永康街63號Global Gateway Tower 3樓 303室,裝修佬仝人每日都會於裝修吧內恭候咁多位朋友大駕~希望好快見到您啦!


 裝修佬搬新Office喇! (裝修佬新聞)

 https://www.facebook.com/hkdecoman