打開雪櫃見到碟鳯尾魚,原來係大少傑作,佢劏好諗住蒸黎食,我聽到心想咁多細骨唔得喎,同佢講炸脆黎食連骨都可以食埋有益好多,又可以送下啤酒,佢聽到就話炸OK(大少對炸野好感低)。

即刻拎盒酥炸粉出黎灑一些在魚身上做乾粉,1杯粉用清水開勻,放入魚內輕輕拌2下,待全部魚都沾上粉漿。

開油鍋,燒至中温把魚逐條放入鍋內炸約3分鐘盛起,把油調至大火後魚回鍋炸約1分鐘待魚金黃色酥脆取出上放入盆內,襯熱灑上椒鹽略拌即可上碟。


 【食譜】佐油一流!酥炸鳳尾魚