繼南非之旅後,雨僑(Ava)停留在港完成新劇《性敢中環》拍攝部分之後,再次出法到澳洲坎培拉拍攝旅遊節目,再帶大家上山下海之餘,最令Ava回味的就是巨鮑魚。


澳洲出名多海鮮,雨僑去了魚市場拍賣會參觀,她說:「呑拿魚真係好大條好誇張,有我上半身咁大!」她更出海睇潛水員捉鮑魚:「平時喺香港街市買鮑魚好似好簡單,今次見到潛水員揹氧氣樽跳落海捉鮑魚,再將佢哋拎返上嚟,真係唔容易!再加上海浪非常大,見到一米巨浪都是很平常嘅事,在船上都有不少人暈船同嘔,所以好驚險!」

雨僑最近默默接job,究竟幾時同老公羅力威補度蜜月呢?雨僑終於有好消息:「之前工作太辛苦,我說服老公,度蜜月真係唔夠,不如『度蜜年』,呢年諗到想去邊旅行就去啦喇!因為身邊朋友話咗生小朋友後幾年好難去旅行,所以我而家要搏老命去!」雨僑第一站會同老公和家人去日本石垣島:「結婚後我除咗很少見老公,亦都很少見屋企人,我哋兩個都好想帶屋企人去旅行,之後先再密謀度蜜年的其他計劃。」


 雨僑澳洲開工嘆巨鮑 說服老公「度蜜年」

 https://www.facebook.com/starshk