裝修Challenge 2018 開幕喇 (裝修佬新聞)

話咁快就過咗一年喇，上年裝修Challenge嘅比賽情景依然歷歷在目，每隊參賽隊伍都出盡十成功力嚟應戰，場面既緊張又刺激 ! 嚟到第二屆裝修Challenge，今年比賽由西貢白石燒烤埸移師到灣仔會展進行，雖然各隊伍有冷氣嘆又唔洗日曬雨淋，但係氣氛絕對唔比上年嘅遜色o架 !

  當十隊參賽隊伍都報到之後，就有裝修顧問天生兄代表裝修佬致詞。  

致詞過後就嚟到簡單而隆重嘅開幕儀式喇 ! 今年嘅儀式亦都非常別開生面，唔係剪綵，而係用錘仔督爆多個汽球呢 !  

當裝修華聯同駱駝漆代表Alex，創藝工房代表Jeff以及明記五金機械行老闆娘督爆所有汽球之後，就意味住裝修Challenge 2018將要開始喇 ! 各隊選手都各就各位，磨拳擦掌，準備爭奪比賽獎品喇 !