香港金像導演張婉婷日前接受內地著名製片人曹玲邀請,拍攝內地影視公司耐飛製作的系列導演記錄片《逐影》,攝製隊更飛來香港取景。張婉婷導演笑言要化妝,又要在烈日下扮酷非常辛苦,深切體會演員的感受:「我記得有一次要舒淇在北京零下兩、三度河邊拍沖涼戲,仲要佢著背心又濕身,凍到不得了!當下我覺得很對不起,答應她如果拍 「脫衣舞」場景時,我都會陪她跳!怎知道開機時又係好凍,我就話爭住先唔陪佢跳。(怕唔怕舒淇記住要找數?)佢記得架,不過我脫衣有乜用,唔會要我跳番比佢睇啦!」。

張婉婷就話自己怕打擾朋友,所以記錄片只邀請岑建勳、盧冠廷、羅啟銳訪問:「我都唔知佢地想唔想講,因為我性格好怕搞住人,所以唔想叫朋友出鏡,但呢幾個人都真係好熟,所以唔傾唔得!而早兩日我地去剪接公司拍攝個陣巧遇Mr. Fat(周潤發),佢仲即席幫我喺鏡頭前講左幾句,真係要好好多謝佢!」。

張婉婷記錄片將在內地網站優酷及騰訊播放,特意重回香港大學、永利街取景:「其實我唔係好想去永利街,因為聽工作人員講永利街都翻新,沒有昔日的味道,所以唔太想返去。(節目度會唔會爆藝人幕後趣聞?)有都唔會講啦!何況人地都係想專注導演工作,唔係講八卦野!」。


 張婉婷拍個人記錄片 重遊電影舊地憶往事

 https://www.facebook.com/starshk