又到DSE完大學最尾一個SEM,又係去海洋公園搵工嘅時間。實在太多人PM我拎Interview題目,所以會公開埋,放心。但講題目之先,先講程序先。

 

1 一小時生活圈

約你9:30,實際10:30先係內部時間,即係佢會報早一個鐘畀你。唔明?HR話10:30要見呢個人,打電話嗰個Part-time姐姐就會叫你9:30 嚟,點解?

 

2 自己友齊見工

大家去到見工會見到好多人成班Friend嚟咁約嚟見工,因為人事部唔會開放洗手間,會叫你去樂園隔離個員工洗手間(要搭Lift),好多人借尿循就會去左玩咯。舉例,約你14:30見工,實際15:30先叫,成班朋友就會早一個鐘13:30到,之後話去廁所,實際去玩。

公司唔係唔知有呢個漏洞,所以係洗手間門設左要拍卡關卡,但實在太多人見工,太多人借卡又唔還定沖左落馬桶,基本上嗰道門已經無鎖,所以唔洗卡就可以去廁所,咁亦解釋左點解成班friend一齊見工,實際約埋一齊玩一個鐘先去見工,呢嗰就叫一小時生活圈。

 

3 網上申請資料不作列印

好多人係網上填完一堆資料去申請份工,但呢啲資料係唔會印係面試者Interviewer,因為個系統會有你見過幾多次工,所以HR會叫你去到公園另外填表。又要提提你,填表就唔好因為網上填左Hea填,網上填左嗰啲係廢,無人睇到架!

咁網上填表有乜用?廢的,無用,其實就咁打去人事部約見工便可(當然限於基層職位),所以好多一家大細老婆仔女咁扮見工實際去玩。

 

4 一定要帶相兼履歷表副本

佢會叫你帶證書正本兼副本,其實正本唔洗帶,佢係驚你副本亂印所以叫你帶定正本,有咩事可以印過張新嘅。相千奇唔好漏,因為基本上見工都係睇樣,你望下啲STAFF嗰樣就知。

 

5 等一個鐘有乜做?

如果你唔係去假見工真去玩,而真係去見工,咁你就要呆坐HR reception一個鐘,嗰度有飲水機,好多熟手嘅都會拎定茶包沖奶茶、帶中書或者煲劇,打機就唔建議喇,因為超多人係reception打機,好易lag機。但又千奇唔好呆等,曾經有幾位女士等到發脾氣,係咁追個HRdept。

「喂,我約左15:00,我早到14:45到,15:00填好表,點解15:45都未有得見?」

嗰HR心諗,傻的嗎,明明係約左16:00(只係報畀你聽報早一個鐘啫)。真係女好呆等,搵啲細藝做吓。

 

6 帶備長褸一件

因為出面實在太熱,所以啲冷氣較到超大。最大件事係見工地點唔係HR Building,而係其他大樓,例如餐飲部咪直接行去廚房沖奶茶咖啡Skilltest,由HR大樓行去餐飲部要經過戶外,超凍HR房行出戶外勁熱又行到見工地點,唔病就假。

另外,正因為candidate會由HRBuilding行去其他地方見工,所以根本無人理啲candidate係個樂園亂咁行。

 

7 入職迎新日全tick

呢間海洋公園好白痴,要出席兩個900-1700的迎新日,無錢,兼無保險,即係俾馬騮打你一身都無錢賠。咁會畀堆日子你揀,記得唔好咁picky,揀得愈少,成功機會愈低,tick晒佢,之後有offer先推都未遲。

 

8 唔好formal dressing

大學面試99%人full suit,著TSHIRT正白痴﹔OP見工返工全部都CAUSALWEAR,你Full gear化濃妝真係溶晒都未見得工。大部分candidate唔係mk就廢老,causal 啲啦香港人。

 

9 面試題目

講咁耐,應承大家畀面試題目,以下為operational trainee的筆試題目:

operational trainee 45 mins

describe yourself.

most difficult decision and how did you overcome it?

what is your career goal?

what does good customer service mean to you?

可以用手機,45分鐘任寫。

 

10 其他資訊

想要其他職位嘅題目同埋答案?請留言講低啦,一定爆料。



 https://www.facebook.com/扮工室政治-1641748232776737/