【家居設計】客廳顏色要如何配襯？

當你一返到屋企，第一視線範圍通常都會係你個客廳，之後先會到你既書房、睡房咁，亦係我地招呼親朋戚友嘅地方，一間屋個客廳係點嘅樣，都會影響到客人對成個裝修效果嘅觀感。以下裝修佬會教大家，點樣可以運用顏色來襯托客廳！

紅色同黃色呢啲都係暖色系列，會比人有種溫暖，家給我力量嘅感覺，所以其實係好適合喺客廳裡面運用。如果你地覺得牆身油紅色同黃色好似太誇張的話，其實可以考慮係窗簾、傢俬入手嘅。例如梳化套用紅色，窗簾選擇黃色。

紫色比人有種浪漫嘅感覺。所以都幾啱新婚嘅夫婦新居使用嘅，咁我地可以運用佢嘅對比色，即黃色來同佢襯托嘅。又或者喺客廳運用紫色嘅時候，我地可以係牆面用白色、紫色就可以用喺傢俬上，都係一個唔錯嘅配搭～

最後就係最多人選擇嘅黑色同白色，呢兩種顏色多數用做現代風格裝修，佢地可以同任何顏色都配搭得到嘅中性色，無論運用喺牆身，地板，或者傢俬上，都唔會有任何違和感。但係要留意如果喺室內剩係用黑白色，就會好似班馬線咁，有太強嘅視覺衝擊。想解決呢個問題其實好簡單，就係喺佢地當中加入灰色來做調和。例如用灰色嘅窗簾或者地毯，梳化咁，就可以解決到啦。 

(文：我要裝修)

(以上圖片均來自網路，如有任何版權問題，請與本站聯絡)