【食譜】輕鬆整！香脆薯餅

我個心仍然在假期中，即使包包都已經返學，假期太開心就比自己繼續放假，應該話個腦在放空中。

不過遊戲規則係你要努力，所以都要收拾心情。

今日寫個脆薯餅，每次食快餐店早餐見到塊薯餅都有啲不安。

不安係人生係咪值得放Quota落塊薯餅中，當然呢個都只係一剎那念頭，薯餅好快就比我鯨吞。

有時都諗過到底點可以自己整，終於我見到「玫瑰小姐」個食譜，於是就跟來做。

一試就覺得有驚天動地感覺！自己整原來可以好食得多，而且用自己屋企啲油去做都安心好多。

佢容易整，一整整到5、6塊可以雪晌冰格，你唔想炸可以半煎炸(但焗就唔太好)。

薯仔固然新鮮、味道差不多，但重點佢厚薄由你話事咁囉。

做法：

1. 一個大薯仔大約200g，切正方型粒粒，然後蒸15至20分鐘。

2. 將薯仔粒輕輕壓，但唔好全部壓爛要保留返啲粒粒

3. 加鹽及胡椒適量，可以自己調較

4. 加生粉大約半湯匙，如果你覺得薯仔唔夠黏可以加多少少

5. 整造型自己整想要size、厚薄等等

6. 放入冰格30分鐘或以上定型

7. 可以炸或半煎炸至金黃色便完成