**重點:有戶主以為,海關執法,是揭示裝修業界「行規」的問題。事實上,海關並不是在規管行規,行規反而是他們執法的參考......**

版主親身詢問了海關執法的標準。以下是重組後的問答。版主不是記者,以下亦只是精要的演繹。但點都寫得詳盡過報章。我就好明白佢地既界線。但如果大家有疑問,又或者唔信我(但又要follow我個page...…),亦可以自己問番海關。 

 

Q:如何為之虛報工程進度?是否遲完工就拉? 

A:要睇有沒有合理理由,如因天氣問題無法施工,是合理的,就不會構成拘捕。 

 

Q:但通常公司和戶主都兩個說法? 

A:我地會聽公司解釋,再睇證據,再判斷是否構成犯罪行為。 

 

Q:附加收費如何為之不合理? 

A:先斬後奏,沒經客戶同意為之不合理。 

 

Q:裝修過程才發現到的額外工夫又如何? 

A:戶主要有選擇權,而裝修公司不能因此拒絕完成報價單項目。 

 

Q:很多戶主以為電位後計等於有問題,可以解釋一下? 

A:其實是有沒有說明電位幾錢個,同點計幾多個的問題。(版主按:即不是後唔後計的問題) 

 

Q:公司要如何寫,才算是有寫明?電位$700一個,燈和制分開計可以寫、但簪線入牆計唔計、拉幾遠又點,其實好難寫清,而且業界一般做法是拉均計算。是否不偏離行內主流規範便不用擔心? 

A:我們不會規管一個行業具體應該點做。現存行規或一貫主流做法,會是我們重要的參考。 

 

Q:簽單時一般不會傾個櫃點做,戶主要求越多就涉及附加費用,其實是否跟行內規範就冇問題?戶主有沒有權唔做退錢? 

A:同樣,行內規範和合理性都是重要的參考。如果加塊玻璃加$100和$10000是有分別。我們主要監管的,是商戶有沒有合理履行承諾,而不是建議業界改變以上流程。 

 

Q:話低甲醛,但做完D櫃有味有冇問題? 

A:有味太主觀。如果話E0但度出黎唔係,有可能構成犯法。 

 

版主多講兩句: 

其實,如果戶主唔想俾公司一句「行規」撻死,公司又唔想俾戶主一句「我唔知、你冇講」而接海關電話解釋一番,可以考慮使用我們的裝修約章系統。呢個係版主在戶主和業界之間打滾左N年既心得結晶黎:https://goo.gl/4m7EjE 

 

PS:睇完俾個Like丫~ 你估海關個電話易打架?佢地成朝起度接電話,響極都唔停呀! 

 

---課程及講座--- 

↓ ↓ 即將裝修的朋友,極度推薦要參加裝修防伏班啊~~ 

【全新 ‧ 裝修防伏班】(12月16日): https://goo.gl/sbGnGV

【硅藻土介紹會】(12月18日): https://goo.gl/3TWZiy

【家居維修DIY十項全能】(12月30日): https://goo.gl/5rsKmJ

【Buoncolor特色牆DIY工作坊】(1月17日): https://goo.gl/4x7hwc

【裝修約章】:https://goo.gl/4m7EjE


 關於海關的執法標準 (裝修中伏大全)

 https://www.facebook.com/hkdecoman