識我都知道……我對水上或陸地動物興趣唔太大。

但每次去旅行都會帶包包去下水族館、動物園等等地方,因為我唔鍾意唔代表個要扼殺個仔認知機會。

所以每一次我都會盡力去陪佢去,等佢可以增加多啲知識。

香港可以同接觸動物地方太少,所以把握每個外遊機會帶佢去。

今次同上次九州行程一樣有得睇陸上動物又有得睇海上動物。

老實講:日本真係做得好好,至少多種類又會有得去接觸,做得個館又靚。

大阪海遊館好容易去,搭車去大阪港就到,住市區的話幾個站就到啦。

大阪港站可以一次過去兩個地方,海遊館同  legoland discovery center

海遊館資料: http://www.kaiyukan.com/language/chinese_traditional/about.html

一入大門深似海,自己似被泡包圍一樣。

我自己都係第一次見到咁大條鯨鯊,好靚好靚。

呢度海豚唔係用來表演,只會自由自在自己玩波。

餵魚

包包最喜歡企鵝。

其實仲有好多不同魚類等等睇,但我唔影到咁多呢。

之後過隔離 market place食午餐,節目仲未完的,食個午餐再講。

包包已經可以KO晒一個兒童餐喇。

我唔係一個叻教仔嘅媽媽,但我至少教到包包食正餐同坐定定自己食,食飯態度好重要。

之後就同包包去 legoland discovery center,晌海遊隔離個天保山 market place

www.legolanddiscoverycenter.jp/osaka

裡面Lego任砌的。

講個祕密大家知…我呢…晌呢個時候自己行街食雪糕,大少爺負責帶包包入去玩架。

展館仲有好多唔同展覽,又有搖控車等等,所以小朋友實開心。

呢個商場有不同童裝外,仲有雪糕好好味。


 【遊記】Day 2 @Osaka (海遊館、 legoland discovery center)

 https://www.facebook.com/taisiu9