黃建東孖瑪姬、龐景峰、白健恩 跳大媽舞賀母生日

無綫搞笑藝人黃建東(東東) 早前為了祝賀任舞蹈老師的媽媽生日派對，特意邀請一眾好友出席，包括緋聞女友瑪姬、龐景峰、白健恩，眾人輪流跟東東合唱氹黃媽媽開心：「好多謝一班好朋友來道賀，我跟他們每人也各自唱歌送給媽咪，龐景峰還買了一個生日蛋糕來。媽咪是第一次見瑪姬，仲讚她又靚又叻。我為了這個派對特別跟瑪姬練歌，點知唱《其實你心裏有沒有我》時眼神交流實在太sweet，忍不住笑了出來。她看到我笑又忍唔住笑，大家笑到停唔到。」東東話好彩有今次獻唱熱身，因為嚟緊會跟瑪姬情侶檔出show做司儀加合唱，如果到時上台唱歌忍唔住笑就弊傢伙。

因為媽咪生日所以東東一家四口可以齊人慶祝：「近年爸爸在內地工作，弟弟周末經常要開工，大家越來越忙好難一齊坐低食飯，大時大節先可以聚埋一齊。(咁咪即係乘機帶女友見家長？)好朋友啫，屋企人都好鍾意佢，而瑪姬好識做，一見到我媽咪就大讚佢靚女賣哂口乖。不過屋企人都想我努力工作行先，希望事業可以快啲有定位。」去到生日派對尾段東東跟一眾好友一起出來跟媽咪爹哋跳舞，一向熱愛跳舞的小白和景峰玩得非常開心忘我，黃爸爸還跳得很落力獲全場大讚。東東非常感激一眾好友百忙中抽空到來賀壽。

黃建東、 龐景峰、白健恩、瑪姬 跳大媽舞

黃建東、瑪姬 – 《其實你心裏有沒有我》 (拖完手爆笑版)

黃建東、瑪姬 – In Love With You