夢幻嘅粉系顏色對女仔嚟講總係有種無法抵抗嘅吸引力,除咗可以滿足少女心之外,最重要係可以打卡,大影ig女神級靚相!

以下5個地方都擁有壯麗嘅粉紅景色,快啲約定閏密或男友一齊去啦~

1. 巴哈馬—粉紅沙灘(Pink Sands Beach)

位於巴哈馬嘅Harbour Island之上,曾被Times選作最性感嘅沙灘,連綿嘅粉紅細沙原來係由一種微生物嘅粉紅外殻、珊瑚、碳酸鈣組成!

2. 墨西哥—雙色鹽湖(Las Coloradas)

好似粉紅色嘅天空之鏡一樣,同蔚藍嘅天空正好形成對比,而湖中嘅粉紅色來自於浮游生物以及鹽水蝦。

3. 克里米亞—科亞什斯科耶鹽湖(Koyashskoye)

毗鄰黑海嘅Koyashskoye鹽湖,湖水嘅鹽分相當高,所以就吸引咗喜歡鹽分嘅藻類生長。湖嘅顏色會隨季節、溫度變更,春天嘅時候會係淺粉紅色,而夏天就會係紅色。

4. 日本—目黑川

覺得上面介紹嘅地方都好遠或者難去?大家最鍾意嘅旅遊熱點—東京,原來都睇到夢幻嘅粉紅美景。
櫻花每年盛開嘅時日好短,當櫻花開始凋謝,被風一吹就可以睇到櫻花好似雪一樣咁飄落。當花瓣遍佈整條河道,就係絕美嘅櫻花河!

5. 上海—金山花田

比日本東京更加近,就係位於上海金山郊區嘅粉黛花田。種有28畝嘅粉黛亂子草,面積非常大,喺每年嘅秋天都可以見到毛茸茸、軟綿綿,好似綿花糖一樣嘅粉黛亂子,既可愛又壯觀!

(圖片來源:tumblr)