【食譜】其實好易整！炸軟殼蟹

個個都鍾意食軟殼蟹，唔通個個都食軟殼蟹咩?

我一直都覺得軟殼蟹好得意，佢又幾好食，又可以成隻食，咁佢到底點整？

世事就係唔知比你嚇死，知就笑死，原來軟殼蟹只不過要加個粉漿然後炸，連鹽都唔太需要，因為佢本身咸咸地。

軟殼蟹晌AEON個冰鮮櫃到見到，佢溶雪後就去除蟹既鰓同埋那個肺(食過大閘蟹就會識)。

其實街外無人會幫你清走，因為炸埋一舊就唔會見到，但自己整無理由見到都照食。

呢個軟殼蟹係我趁昨晚朋友來晚飯整，分享膽固醇丫嘛～

（*其實諗諗下，大家都可以買盒炸漿粉加水加少少油去用，唔使咁大陣仗）

材料：

麵粉   1杯

泡打粉 1/4茶匙

鹽    少許

啤酒   1/2杯

冰水  1茶匙

做法：

1. 將鹽、1杯麵粉(只取其中一杯份量)、泡打粉撈勻

2. 分次加入啤酒及1茶即冰水冰水攪勻

3. 軟殼蟹清理肺及鰓後就完完全全索乾水，再放入粉漿浸浴

4. 熱鑊熱油大爆炸(圖中見到一片野嗎？我拎紫茶上粉漿炸)