水上活動的圖片搜尋結果

(網上圖片)

嘩,個標題好似運動能量飲品廣告呀!因為,朋友真係好陽光,好正能量,仲好堅持於搞生意呀!好幾年前,我地係街上認識,在觀塘海濱公園影相同吹水,之後又一齊打band,他打鼓我彈野唱野,仲一齊去教會活動,得閒又會去飲吓茶吹吓水,有時亦會去佢office度諗橋brainstorm吓野,氣氛好舒服咁。

朋友Alan係做水上活動用品及週邊產品的生意,由批發、零售、至度身訂造的設計訂單,通通都做。從設計、宣傳、入貨、傾客deal客、發貨、計數,全部都一手一腳,自己搞掂晒,無去搵顧問幫手,亦無寫計劃書找funding。而且,宜家全部都係線下生意同客為主,網上暫時不是主力推,生意來源都係靠referral多,因為早幾年前,他在旺角一些小商場曾經開過實體店,累積了一些熟客,後來,把公司搬到廠廈樓上單位,面積更大、存貨可更多,整體環境仲好左。他身材健壯,皮膚黝黑,幽默搞笑,仲好有親和力,對朋友又有義氣,所以合作過/開的伙伴,都會繼續搵佢,retention rate好高呀!

前幾日,我地出黎吹水,講到宜家暑假係消費旺季,尤其是做水上運動用品,在夏天應該係最好賣的時間,所以,最近他一直忙住在做推廣,希望今年暑假生意可以爆出來!記住它,Xracingwater Sport。

 

 

 


 堅持。嘗試。汗水