Hidden Agenda的事件引起廣泛討論,不少支持HA的人與認同政府做法的人在網上展開激烈討論及罵戰。主辦人呀和因此在FB發表感性言論,以「二十世紀的少年」的邪教cult 頭目「朋友」作配圖,貇求支持HA的人不要再與他們口角外,他直言自己不想有更多的指控,所以未來日子到HA 演出與欣賞表演或將會更麻煩,詳細資料將會稍後公佈。

「大家好,我係呀和,唔好為左HA再同有犯法/違規就必需死呢種諗法既人有衝突同口角啦,雖然好多人一路而來都認為我地/獨立音樂圈係*小眾*,但我地已經愛上現場音樂好多年,何必去同一個對現場音樂零興趣既正義之仕去嘈呢,我深信佢地愛上既野遇到不公/針對性既對待都會好大反應,原諒佢地吧.

另外對唔住大家,因為我仲想番屋企見屋企人同小朋友所以唔想再攬多幾條罪上身,所以未來想來同我地共賞現場音樂既話可能會比較煩,條件稍後公佈,無論未來結果如何,呢8年來認識既樂隊/觀眾都係我地最寶貴既回憶,就算他朝有一日場地俾Lan線吊死左,歷史長存,感恩.」

Photo By taozimaoni


 HA 主辦人呀和FB發感性言論

 https://www.facebook.com/3cmusic?fref=ts