睡眠不足對身體壞處多多就大家都知,但原來唔夠瞓嘅威力大到影響交友?一齊睇吓外國嘅專家點樣分析。

研究嘅學者就睡眠不足影響交友做咗項實驗,研究對象共有25名男女,喺唔同時段內分別每晚只瞓4個鐘或以下,以及瞓足8個鐘。經歷唔同嘅睡眠時間後,參加者都會被影低無任何化妝嘅相,然後將啲相交畀122位完全唔認識參與者嘅陌生人,等佢哋就相中人嘅吸引程度、健康及可信性等範疇評分。

結果發現,當瞓嘅時間愈少,陌生人想結識當事人嘅機會就愈低。專家指出,咁係因為陌生人喺結識朋友前通常會先留意其樣貌,如果一個人外表睇嚟無精神,咁會大大降低交友嘅吸引力,亦會被視為健康欠佳。

所以如果想容光煥發、結識多啲朋友嘅話,首先就要由瞓覺做起喇!

(圖片來源:tumblr)