電視節目有好多種,不過唔係個個節目都啱小朋友自己收睇。 

櫈,其實一樣,唔係張張都啱你心水。現時市面上櫈嘅種類繁多,唔同款式,唔同材質,唔同用途,要揀都幾麻煩。

當夜闌人靜嘅時候,你有冇諗過想要一款擁有自己品牌LOGO,具有個性又慳位嘅櫈,冇唔緊要,你可以由今日開始諗下。 

呢張櫈就係裝修佬Fans送比我地拍片用嘅導演櫈,坐係上面UN UN腳特別過癮~

摺櫈的奧妙之處,它可以藏在民居之中,隨手可得還可以坐著它來隱藏殺機,就算被警察抓了也告不了你真不愧為七種武器之首! 

呢張櫈未組合前係可以拆出來摺埋自己,而且板式設計可擺放於任何窄小空間,真正做到慳位 (冇計啦,窮L Office係细啲) 

個櫈面除左可以打印出你所需嘅文字效果圖,摸上去仲好有手感,同市面大部分裝修佬一様粗穬中帶一點温柔。

工廠自設鐳射打印機,務求做到每位顧客嘅唔同需要。

砌呢張櫈嘅時候只需要將兩塊長型板打十字組合,再將圓形板合上便可完成,過程簡單方便。

而且十字組合結構非常穩陣,無需擔心承重問題(不過太厚肉嘅都係小心啲好) 

除左櫈之外,不妨可以考慮整張枱,飲下啤酒一流呀!

*多謝裝修佬Fans明輝送張好摺櫈比我地!

(文:艾華)


 摺櫈好、好摺櫈,裝修佬收到張櫈叫摺櫈!

 https://www.facebook.com/hkdecoman