大家都知道,阿拉斯加幅員廣闊、地大人少,同香港完全相反。當中有一個小鎮惠蒂爾(Whittier),200多個鎮民大部份仲住埋同一棟大廈,衣食住行都完全唔使行出街!

呢棟大廈叫做Begich Towers,樓高14層,前身係建於1956年的前美軍軍營,冷戰結束後就改建做民居。大樓裡面有警署、診所、教堂、自助洗衣店、超市、郵局等,仲有通道連接住學校同拘留所,設施咁齊備,難怪不時都見到著住睡衣嘅居民踢拖周圍走。

最好嘅一點係住喺入面番工番學都唔使擔心遲到,因為學校連接住大樓,行幾步就到,而且仲有埋兒童遊樂場,大風雪都無阻細路聚埋一齊玩;而居民都係做政府工,幫手鏟雪、修葺大樓咁樣,所以幾乎做咩都唔使離開棟大廈!

夏天係惠蒂爾嘅觀光旺季,吸引唔少遊客慕名而來,欣賞當地冰川嘅壯麗景致,或者跟居民出海釣魚。

冬天嘅時候,惠蒂爾嘅積雪可以去到635 cm咁高,風速更可達到每小時96公里,居民就算想出去都唔係一件易事。但居民似乎都唔覺得有出去嘅需要,一名受訪者甚至反問:「由我出世到兒家我都住喺呢棟大廈,我嘅屋企人、同事、朋友全部都住喺度,我有咩必要出去呢?」

事實上,大樓出面就有世界級嘅絕色風景,入面又有齊生活所需嘅設施,住喺入面已經咩都有,仲洗乜羨慕外面有啲咩吖?呢個時候只可以講句,這些機會……

(圖片來源: California Sunday Magazine)