唔講唔代表無睇!全球最大嘅咸網PornHub所得嘅數據顯示,2016年就有超過40億小時嘅播放率,反映世界各地嘅人對AV嘅需求都非常大。性醫學雜誌( Journal of Sexual Medicine)最近嘅一項研究指出,經過問卷調查後統計出AV嘅觀眾群原來可以分做3大類,分別係為咗娛樂、沉迷睇,同埋睇完會覺得自責!

加拿大魁北克市拉瓦爾大學嘅研究團隊集合咗830個受訪者嘅數據,當中超過7成係女性,平均年齡25歲,8成係異性戀者;而婚姻狀況方面,有35%屬於已婚或同居,同樣約有35%嘅人係單身,而其餘嘅29%就係拍緊拖。

呢班受訪者要就整體嘅性滿意度、避免性生活嘅傾向、性功能障礙,同埋對特定3套AV表達想法。研究問到佢哋沉迷咸片嘅情況有幾高,又問佢哋會唔會用盡辦法睇AV(例如為咗可以自己一個睇AV而故意更改日程),以及睇完之後會唔會感到自責或慚愧。

經過分析之後,第一種AV觀眾係純粹為咗娛樂,佔受訪者嘅75%,平均每星期會睇24分鐘嘅AV,但令人意外嘅係當中女人同拍緊拖嘅人佔大部份!(唔係你哋以為嘅毒毒啊!)

第二種人就佔12.7%,佢哋對AV嘅沉迷指數比較低,但睇完之後就會有負面情緒,覺得非常自責慚愧,所以呢種人睇AV嘅時間係3組人入面係最少嘅,每星期只有17分鐘。

第三種人就佔11.8%,係已經沉迷睇AV到不能自拔嘅一群,每星期平均會睇110分鐘,遠遠超過其他兩組。

如果有睇AV嘅你,捫心自問自己係屬於邊種呢?

(圖片來源:pinterest、tumblr)