木地板嘅天然紋理帶俾屋企溫暖感,而且木地板美觀耐用,高貴大方,舒適腳感等好處,一直頗受廣大市民歡迎。針無兩頭利,木地板雖然好處多,但保養方面要注意嘅方面都會多啲,以下裝修佬同大家分享各種木地板嘅保養方法。

裝修佬話你知:各種木地板保養方法

實木地板 

實木地板嘅安裝同使用不當,都會令實木地板出現質量問,實木地板係保養時,要注意地面乾燥同清潔,係鋪設實木地板時,如果無做防潮處理、廁所同房間地面無做門欖,都會影響地板壽命。被水淋濕或用堿水、番梘水抹,會破壞油漆嘅光度,夏天無拉窗簾,地板經陽光曝曬後會出現變色裂開,冷氣溫度開得過低,令日頭同晚上溫度變化過大,會引起地板膨脹或收縮過於劇烈,從而造成地板變形、裂開等。 

實木地板係使用過程中,如果發現個別地板翹起或脫落,應及時擰起地板,鏟去舊膠灰塵,塗上新膠壓實,每個月打一次蠟係最好嘅保養方法,但打蠟前記得要將水同污漬抹乾淨。 

 

實木複合地板 

實木複合地板嘅維護保養相對於實木地板更簡單,保持地板乾燥、清潔,唔用滴水拖把拖地板,不用堿水、番梘水抹地都可以有效保護地板。 

 

強化木地板 

清潔地板時,要注意保持地板乾爽,唔好用大量水沖洗,注意避免地板局部長期浸水。清潔污漬時要用中性清潔劑或木地板專用清潔劑處理,避免陽光直射、淋雨、受潮等。另外,注意室內通風、保持室內溫度有利於延長地板壽命,強化地板唔需要上油漆同打蠟,同實木地板唔同,忌用砂紙打磨拋光。 

 

裝修佬溫馨提示 

如果屋企空氣乾燥,拖把可整濕小小或係暖爐隔離放盆水,或可用加濕器增濕,儘量避免陽光暴曬,以免表面油漆長期係紫外線照射下提前老化、裂開、導致漆膜起泡,變色,甚至脫落等。局部板面唔小心沾染污漬要及時清除,若有油污,可用抹布沾暖水加少量洗衣粉抹,如果係藥物或顏料,必須係污漬末滲透木質表層以前加以清除。 

地板儘量避免同水長時間接觸,特別係唔可以同熱水接觸,一旦有熱水撒係地板上,要及時抹乾,最好每三個月打蠟一次,打蠟前要將地板表面污漬清理乾淨,經常打蠟,先可以保持地板光潔度,延長地板使用壽命。避免尖銳器物劃傷地面,唔好係地板放置太熱嘅野,儘量避免拖動沉重傢俱。

 

(文:呀J)

(以上圖片均來自網路,如有任何版權問題,請與本站聯絡)


 【裝修佬話你知】木地板保養有方法!先要確定種類~

 https://www.facebook.com/hkdecoman