[Stars Girl] 爽朗活潑奧米嘉儀Meka

今次STARS GIRL是奧米嘉儀Meka，看看妹簡單介紹一下自己，我係：演員及網上電台主持人。 一個比較心急同爽直既人，開心唔開心都會係塊臉度呈現出黎，有啲說話無過慮過就講，其實都幾令人難接受， 但經歷左時間既洗禮，明白原來直都可以圓滑小小。 短頭髮又健康膚色加上性格，往往都比人好多錯覺，成日都聽到：吓，奧米嘉儀好串架，好Cool架等。但其實識落就知，我都幾簡單同玩得下，典型既人馬座女仔。
入行經過 由從事幕後崗位轉型到幕前，我回想第一次接觸電影拍攝都應該2008年左右啦，細個果時覺得做幕前一定要高，白同靚！但自己無一樣合格，自薦去model公司實比人笑。
突然間有一日有個電話問我有冇興趣拍電影，做女主角個同事？我滿心歡喜咁應承，就拍左一個同事既角色啦。之後因為一直都醉心係幕後工作，就沒有再多想了，企在幕後崗位望著，原來心中對演戲的一團火仍然在，所以係2014年我決定放膽闖一闖擔任網上電台ONAIRPOWER主持，同年亦參演第一套公演舞台劇，就是這樣正式開展演員之路。
現在工作方向 而家作為藝術表演者，已經唔同以前，單一專注！觀眾眼中你多元化既發展，可觀性係幾強！ 所以而家除左演戲之外，主持同司儀都係我既工作範疇！倆者我都努力去揣摩同成長中，身邊有好人去比機會我，真係好感激佢地支持同鼓勵。
而於未來的工作方向 而家上緊堂學戲，希望可以令自己增進更多，裝備好自己等到機會時可以好好把握得到。 另外都開始排練緊新舞台劇，出年會公演，希望透過呢套劇帶到正面訊息比觀眾同埋會見到另一面既我，因為套劇入面角色，對我都係一個頗大的挑戰。